რუსული ავიაცია უმეტესად სირიის ოპოზიციას ბომბავდა

რუსული ავიაცია უმეტესად სირიის ოპოზიციას ბომბავდა - აშშ-ის სახელმწიფო დეპარტამენტი

მსოფლიო - 12:13, 08 Oct, 2015

1972

აშშ-ის სახელმწიფო დეპარტამენტის ოფიციალურმა წარმომადგენელმა, ჯონ კირბიმ რუსეთი სირიის ოპოზიციაზე იერიშის მიტანაში დაადანაშაულა.

მისი თქმით, „ისლამური სახელმწიფოსა“ და „ალ-ქაიდას“ წინააღმდეგ, რუსული ავიაიერიშების 10%-ზე ნაკლები იყო მიმართული.

„სირიაში რუსული ავიადარტყმების 90%-ზე მეტი მიმართული არ იყო ტერორისტული დაჯგუფება "ისლამური სახელმწიფოსა" და "ალ-ქაიდას" წინააღმდეგ. უმეტესად, რუსული ავიაცია ოპოზიციურ ჯგუფებს ბომბავდა, რომლებსაც სირიისთვის უკეთესი მომავალი სურთ და არ უნდათ, რომ ასადის რეჟიმი ხელისუფლებაში დარჩეს" - განაცხადა კირბიმ.

მანამდე, რუსეთის თავდაცვის სამინისტროს ოფიციალურმა წარმომადგენელმა იგორ კონაშენკოვმა განაცხადა, ამერიკული ავიაცია ტერორისტების პოზიციებს არ ბომბავს.
„აშშ და კოალიციის ძალები უკვე ერთი წელია სირიაში ავიაიერიშებს განახორციელებენ. ჩვენ გვაქვს საფუძველი, ვიფიქროთ, რომ მათი ყოველთვის არ გააჩნიათ ტერორისტული სამიზნე „ - განაცხადა კონაშენკოვმა.

რუსულმა ავიაციამ სირიაში საჰაერო ოპერაცია 30 სექტემბერს დაიწყო. თუმცა, მედიაში გავრცელებული ინფორმაციით, რუსეთმა, რომელიც ავიაიერიშებს ბაშარ ასადის თხოვნის საფუძველზე ახორციელებს სამიზნედ არა ISIS პოზიციები, არამედ ბაშარ ასადისადმი იპოზიციურად განწყობილი ძალების პოზიციები შეარჩია.

სირიის ოპოზიციის განცხადებით, იერიშებს ქალაქ ჰომსთან 36 სამოქალაქო პირი იმსხვერპლა, მათ შორის არის 5 ქალი და 6 ბავშვი.

ოფიციალური მოსკოვი მოსახლეობაში მსხვერპლის შესახებ გავრცელებულ ინფორმაციას კატეგორიულად უარყოფს.