სირიის ოპერაციაში რუსული საზღვაო ძალები ჩაერთნენ

მსოფლიო - 16:52, 07 Oct, 2015

5077

სირიის ოპერაციაში რუსული საზღვაო ძალები ჩაერთნენ. რუსეთის თავდაცვის მინისტრის, სერგეი შოიგუს განცხადებით, რუსეთის სამხედრო-საზღვაო ძალებმა სირიის ტერიტორია დაბომბეს.

შოიგუს ინფორმაციით, დღის დილით კასპიის ფლოტილიის ოთხი ხომალდიდან "ისლამური სახელმწიფოს" პოზიციებზე 26 რაკეტა გაუშვეს და მოწინააღმდეგის 11 ობიექტი გაანადგურეს. ყველაზე სამიზნე წარმატებით განადგურდა,
შოიგუს ცნობით, 30 სექტემბრიდან დღემდე რუსეთის სამხედრო ძალებმა სირიაში ისლამისტების 112 ობიექტი გაანადგურეს.
ეს პირველი შემთხვევაა, როცა რუსეთმა სირიის ოპერაციაში სამხედრო-საზღვაო ძალების მონაწილეობა დაადასტურა.

რუსულმა ავიაციამ სირიაში საჰაერო ოპერაცია 30 სექტემბერს დაიწყო. თუმცა, მედიაში გავრცელებული ინფორმაციით, რუსეთმა, რომელიც ავიაიერიშებს ბაშარ ასადის თხოვნის საფუძველზე ახორციელებს სამიზნედ არა ISIS პოზიციები, არამედ ბაშარ ასადისადმი იპოზიციურად განწყობილი ძალების პოზიციები შეარჩია.

სირიის ოპოზიციის განცხადებით, იერიშებს ქალაქ ჰომსთან 36 სამოქალაქო პირი იმსხვერპლა, მათ შორის არის 5 ქალი და 6 ბავშვი.

ოფიციალური მოსკოვი მოსახლეობაში მსხვერპლის შესახებ გავრცელებულ ინფორმაციას კატეგორიულად უარყოფს.