რუსეთი სირიაში სახმელეთო ოპერაციისთვის ემზადება

რუსეთი სირიაში სახმელეთო ოპერაციისთვის ემზადება - CNN

მსოფლიო - 11:56, 06 Oct, 2015

3403

რუსეთი, სირიის პრეზიდენტის ბაშარ ალ-ასადის ოპოზიციონერების წინააღმდეგ სახმელეთო ოპერაციისთვის ემზადება. ამის შესახებ „სიენენი“ პენტაგონის წყაროზე დაყრდნობით იტყობინება.

„სიენენის“ ცნობით, რუსეთმა კონტიგენტი სახმელეთო ოპერაციისთვის უკვე გადაისროლა და მათი მთავარი სამიზნე, არა „ისლამური სახელწმიფოს“ პოზიციები, არამედ სირიის პრეზიდენტის მოწინააღმდეგეები არიან.

წყაროს ინფორმაციით, შეიარაღება 4 ერთეული საარტილერიო და სარაკეტო სისტემებისგან შედგება. იარაღები ქალაქ ჰომსა და იდლიბში იქნა შემჩნეული. როგორც "სიენენი" აღნიშნავს, რამდენიმე კვირის წინ რუსეთმა სირიის პორტ ლატაკიაში 6 საარტილერიო დანადგარი გააგზავნა.

რუსულმა ავიაციამ სირიაში საჰაერო ოპერაცია 30 სექტემბერს დაიწყო. თუმცა, მედიაში გავრცელებული ინფორმაციით, რუსეთმა, რომელიც ავიაიერიშებს ბაშარ ასადის თხოვნის საფუძველზე ახორციელებს სამიზნედ არა ISIS პოზიციები, არამედ ბაშარ ასადისადმი იპოზიციურად განწყობილი ძალების პოზიციები შეარჩია.

სირიის ოპოზიციის განცხადებით, იერიშებს ქალაქ ჰომსთან 36 სამოქალაქო პირი იმსხვერპლა, მათ შორის არის 5 ქალი და 6 ბავშვი.

ოფიციალური მოსკოვი მოსახლეობაში მსხვერპლის შესახებ გავრცელებულ ინფორმაციას კატეგორიულად უარყოფს.