ვატიკანში მომავალი 3 კვირის განმავლობაში გაიმართება სპეციალური სინოდი, რომელიც განსაზღვრავს კათოლიკური ეკლესიის დამოკიდებულებას თანამედროვე ოჯახური ურთიერთობების სახეცვლილ საკითხებისადმი.

სინოდზე, რომელშიც მთელი მსოფლიოს 300 კათოლიკე ეპისკოპოსი მიიღებს მონაწილეობას, განიხილება ეკლესიის დამოკიდებულება კათოლიკე-გეების, გაცილებული ოჯახებისა და იმ წყვილების მიმართ, რომლებიც ერთად ცხოვრობენ, მაგრამ ოფიციალურ ქორწინებაში არ იმყოფებიან. კერძოდ, დადგება საკითხი, უნდა მიიღონ თუ არა მათ ზიარების უფლება.

ექსპერტებს მიაჩნიათ, რომ რომი ამ საკითხების მიმართ დამოკიდებულებას რადიკალურად არ შეცვლის, თუმცა ტრადიციული კათოლიციზმის მიმდევრები აცხადებენ, რომ თვით ის საკითხი, რომ ამ თემებზე დებატები შედგება, გარკვეულ არეულობას შექმნის მორწმუნეთა ფსიქოლოგიაში.

შეგახსენებთ, რომ 3 სექტემბერს ვატიკანმა ოფიციალურად დაგმო ერთერთი პოლონელი მღვდელი, რომელმაც მისი ჰომოსექსუალიზმისადმი მიდრეკილება ოფიციუალურად აღიარა.