„სრული, დამაყრუებელი სიჩუმე!“ - ისრაელის პრემიერის შთამბეჭდავი გამოსვლა გაეროში (ვიდეო)

მსოფლიო - 18:25, 02 Oct, 2015

5917

გაეროს გენერალურ ასამბლეაზე ისრაელის პრემიერ მინისტრის გამოსვლას სოციალურ ქსელში დიდი გამოხმაურება მოჰყვა. ბენიამინ ნეთანიაჰუმ „ექვსეულის“ მიერ ირანთან დადებული ხელშეკრულება გააკრიტიკა, რომელიც ბირთვული პროგრამის შეჩერებას ეხება.

„ირანმა პირობა დადო, ვციტირებ - „25 წელიწადში ისრაელი აღარ იქნება“. ირანის მმართველები პირობას დებენ, რომ გაანადგურებენ ჩემს ქვეყანას, დახოცავენ ჩემს ხალხს და ამ ორგანიზაციის პასუხი, თითქმის ყველა აქ წარმოდგენილი ქვეყნის პასუხი არის აბსოლუტურად არაფერი. სრული, დამაყრუებელი სიჩუმე!“- განაცხადა ნეთანიაჰუმ. ამ განცხადების შემდეგ ნეთანიაჰუ 45 წამი დუმდა, შემდეგ კი თავისი გამოსვლა გააგრძელა:

„იქნებ მიხვდეთ რატომ არ გიერთდებათ ისრაელი ამ შეთანხმების აღნიშვნაში. თქვენც ნაკლები ენთუზიაზმით შეხვდებოდით ამ შეთანხმებას ირანის მმართველები თქვენი ქვეყნის გასანადგურებლად რომ მუშაობდნენ და მათი ტერორისტული ორგანიზაციები ტქვენს ქალაქებს რომ უშენდნენ რაკეტებს. ალბათ უფრო ზომიერად შეაფასებდით ამას და ამ შეთანხმებას თქვენს რეგიონში რომ გამოეწვია შეჯიბრი ბირთვულ შეიარაღებაში, ალბათ თავს შეიკავებდით აღნიშვნისგან“- განაცხადა ნეთანიაჰუმ.