ჯემალ ჭკუასელი "ერისიონის" მოსკოვურ ტურნესთან დაკავშირებულ აჟიოტაჟსაც შეეხო და აღნიშნა:
"მე ვარ მოღალატე და ეგენი არიან პატრიოტები? რას ჰგავს მათი შეფასება?- კონცერტებს მართავენ ოკუპანტის ტერიტორიაზეო. მაშინ მსოფლიო აღარ უნდა ჩავიდეს გერმანიში, მუსოლინის გამო უარი უნდა თქვან იტალიაზე...

თუ ასეა, რატომ ჩავდივართ ქართველები თურქეთში ან არაბეთში, ჩვენს ტერიტორიაზე ესენი ომებს არ აწარმოებდნენ? როგორ შეიძლება, "ერისიონის" მიმართ ასეთი დამამცირებელი საუბარი? მაგრამ ეგენი ,,ჩემი შენ გითხარის" პოზიციაზე არიან", - ამბობს "ერისიონის" სამხატვრო ხელმძღვანელი.

მისვე თქმით, ყოფილი ხელისუფლების წარმომადგენლებს პასუხისმგებლობისთვის თავის არიდება უნდათ და ცდილობენ, ყურადღება სხვა თემაზე გადაიტანონ:

"პასუხისმგებლობის აცილება უნდათ და შარს აქეთ გვდებენ, იმაზე აგონ პასუხი, რა საშინელებებიც ჩაიდინეს საქართველოში! რუსეთსა და კრემლლზე ისინი ლაპარაკობენ, ვინც თვითონ არიან ჩახუტებული რუს პოლიტიკოსებთან".

ინტერვიუს მსვლელობისას ჯემალ ჭკუასელმა "ასავალ-დასავალის" ჟურნალისტს გაზეთის რედაქტორთანაც დააბარა სიტყვა:

"...ბატონ ლაშა ნადარეიშვილს გადაეცით, რომ მისი დიდებული ლექსი ,,ეი, ბიჭო სამშობლოსთან არაფერფერი შეგეშალოს!"- ჩემი ცხოვრების მოწოდებად ვაქციე და ხმამაღლა ვაცხადებ: სინდისსა და კაცობას გეფიცებით, ჩემს სამშობლოსთან არაფერი შემშლია!..", - თქვა ჯემალ ჭკუასელმა.