აშშ ISIS-ის დამფინანსებლების შესახებ ინფორმაციისთვის ჯილდოდ 5 მლნ-ს აწესებს

მსოფლიო - 12:07, 30 Sep, 2015

1497

აშშ-ის სახელმწიფო დეპარტამენტმა პირობა დადო, რომ ის, ვინც, რადიკალური ისლამისტური დაჯგუფება „ისლამური სახელმწიფოს“ დამფინანსებლების შესახებ ინფორმაციას მიაწვდის, 5 მილიონი აშშ დოლარით დაჯილდოვდება.

ამავდროულად, ოფიციალურმა ვაშინგტონმა "ისლამურ სახელმწიფოსთან" კავშირში მყოფი ორგანიზაციებისა და კერძო პირების წინააღმდეგ ეკონომიკური სანქციები დააწესა.
აშშ-ის სახელმწიფო დეპარტმენტის ოფიციალურ ვებგვერდზე გამოქვეყნებული ინფორმაციის თანახმად, სიაში შეყვანილ პირთა ან დაჯგუფებების ნებისმიერი ფინანსური თუ სხვა სახის აქტივი აშშ-ის ტერიტორიაზე დაიბლოკება. გარდა ამისა, აშშ-ის მოქალაქეებსა და ამერიკულ კომპანიებს აღნიშნულ პირებთან რაიმე ტრანზაქციის განხორციელება ეკრძალებათ.

სანქციების სიაში მოხვდნენ ჩრდილოეთ კავკასიაში "ისლამური სახელმწიფოს" წარმომადგენლობა - ე.წ. "ვილაიათ კავკაზი" და მისი ამირი, "კავკასიის საემიროს" ერთ-ერთი ყოფილი ლიდერი რუსტამ ასილდეროვი (აბუ მუჰამად ალ-ყადარი) და სირიის ტერიტორიაზე მოქმედი "თარხანი ჯამაათის" ლიდერი, თარხან გაზიევი. ასევე, ტაჯიკეთის მოქალაქე, გულმ ოროდ ხალიმოვი, რომელიც ამჟამად სირიაში"ისლამური სახელმწიფოს" რიგებში იბრძვის. ჰალიმოვი ტაჯიკეთის შინაგან საქმეთა ე.წ. "ომონ"-ის უფროსი იყო.
აშშ-ის სახელმწიფო დეპარტამენტის სანქციები რუსეთის მოქალაქე შამილ იზმაილოვს, იგივე აბუ ჰანიფას შეეხო, რომელიც 2012 წელს სირიაშიგაემგზავრა და რუსულენოვან მებრძოლთა დაჯგუფება შექმნა.

სანქციების სიაში მოხვდა ტაჯიკეთის მოქალაქე გულმ ოროდ ხალიმოვი, რომელიც ამჟამად სირიაში იმყოფება. "ისლამური სახელმწიფოს" რიგებში გაწევრიანებამდე, ჰალიმოვი ტაჯიკეთის შინაგან საქმეთა ე.წ. "ომონ"-ის უფროსი იყო.