ნიუ-იორკში ბარაკ ობამასა და ვლადიმერ პუტინის შეხვედრა შედგა

მსოფლიო - 11:15, 29 Sep, 2015

2117

ნიუ-იორკში აშშ-ისა და რუსეთის ლიდერები , პირველად 2013 წლის შემდეგ, ერთმანეთს პირისპირ შეხვდნენ.

როგორც "ბიბისი" იტყობინება, ორი ქვეყნის პრეზიდენტების შეხვედრა გაერო-ს შტაბბინაში შედგა. მოლაპარაკებების დასრულების შემდეგ ვლადიმერ პუტინმა განაცხადა, რომ მხარეებმა სირიაში არსებული ვითარება, რუსეთის როლი კონფლიქტის დარეგულირებაში, ასევე უკრაინის აღმოსავლეთში მიმდინარე კონფლიქტი განიხილეს. კონსტრუქციული და საქმიანი - ასე შეაფასა რუსეთის სპრეზიდენტმა მოგვიანებით ჟურნალისტებთან კომენტარში პირისპირ საუბარი. თუმცა არ უარყო, რომ ორი ქვეყნის ლიდერს გარკვეულ საკთხებზე აზრთა სხვადასხვაობა აქვთ.

"ჩვენ ბევრი საერთო წერტილი გამოვნახეთ, თუმცა იყო აზრთა სხვადასხვაობას" - დასძინა პუტინმა.

რუსეთის პრეზიდენტმა კიდევ ერთხელ განაცხადა, რომ რუსეთის არმია სირიის კონფლიქტში სახმელეთო ოპერაციაში არ ჩაერთვება, თუმცა "ისლამური სახელმწიფოს" წინააღმდეგ საჰაერო ოპერაციის ჩატარება არ გამორიცხა.

პუტინმა ასევე ხაზგასმით აღნიშნა, რომ მოსკოვი მზად არის, ვაშინგტონთან ურთიერთობა დაალაგოს.

თეთრი სახლის წარმომადგენლის ინფორმაციით, შეხვედრაზე ბარაქ ობამამ შეშფოთება გამოთქვა იმის გამო, რომ დონეცკისა და ლუგანსკის თვითაღიარებული რესპუბლიკები ე.წ. ადგილობრივი არჩევნების ჩატარებას გეგმავენ.