რუსეთის პრეზიდენტმა ვლადიმერ პუტინმა გაეროს გენერალურ ასამბლეაზე თავისი გამოსვლის დასაწყისში მაღალი შეფასება მისცა აღნიშნული ორგანიზაციის მოღვაწეობას და ხაზი გაუსვა იმ ფაქტს, რომ ვეტოს უფლება მისთვის აბსოლუტურად მისაღები და ნორმალურია.

შეგახსენებთ, რომ პუტინის გამოსვლას, წინ უკრაინის დელეგაციის მიერ პროტესტის ნიშნად დარბაზის დატოვება უძღოდა.

გამოსვლის შემდეგ ნაწილში ვლადიმერ

პუტინი ახლო აღმოსავლეთში მიმდინარე მოვლენებს შეეხო. მისი თქმით რევოლუციების, ამჟამად ე.წ. დემოკრატიული რევოლუციების, ექსპორტი გრძელდება, რის შედეგადაც ზოგიერთ ქვეყანაში ფაქტიურად განადგურებულია სახელმწიფოებრივი ინსტიტუტები.

„მინდა ხანდახან ამ ხალხს, ვინც ეს გააკეთა, ვკითხო, გესმით კი რა ჩაიდინეთ?“ - აცხადებს რუსეთის პრეზიდენტი.

პუტინი უფრო შორს წავიდა და სირიის კრიზისში არსებული ოპოზიციის მხარდამჭერები დაადანაშაულა.

„მათ (სირიის ოპოზიცის „ნიუპოსტი“) ჯერ აიარაღებენ, წვრთნიან, ხოლო შემდეგ ისინი ე.წ. „ისლამური სახელმწიფოს“ მხარეზე გადადიან,“ - აღნიშნა ვლადიმერ პუტინმა.

მისი თქმით, სირიის კონფლიქტის მოგვარებისთვის ქვეყნებმა არა საკუთარი ამბიციებით, არამედ საერთო მიზნებით უნდა იხელმძღვანელონ და შექმნან ფართომასშტაბიანი და მრავალეროვანი ანტიტერორისტული კოალიცია, როგორიც თავის დროზე ანტიჰიტლერული კოალიცია იყო.

პუტინი მუსულმანურ რელიგიასაც შეეხო და განაცხადა, რომ „ისლამური სახელმწიფოს“ ბოევიკები, მათი იდეოლოგებიამ უდიდეს რელიგიას დასცინიან და აბუჩად იგდებენ.

შეეხო რა უკრაინის საკითხს, ვლადიმერ პუტინმა განაცხადა, რომ უკრაინაში გარე ძალების პროვოცირებით მოხდა შეიარაღებული გადატრიალება, რომლიც ორგანიზატორებმაც ისარგებლეს მოქმედი ხელისუფლებისადმი მოსხლეობის უკმაყოფილებით, რასაც შედეგად სამოქალაქო ომი მოჰყვა.

უკრაინის საკითხის შემდეგ რუსეთის პრეზიდენტი სანქციებსაც შეეხო.

„დღეს ფაქტიურად ნორმად იქცა გაეროს გვერდის ავლით ცალმხრივი სანქცვიების შემოღება, რომლებიც, ასევე, მსოფლიოს ბაზარზე კონკურენტების ჩამოცილებას ისახავს მიზნად,“ - განაცხადა ვლადიმერ პუტინმა.

„ვიმედოვნებ, რომ ერთობლივი მოქმედებით ჩვენ მსოფლიოს უფრო სტაბილურს და უსაფრთხოს გავხდით,“ -დაასულა თავისი გამოსვლა ვლადიმერ პუტინმა.