თანამედროვე მსოფლიოში დიქტატურული რეჟიმები არასტაბილურები არიან. ახალი ტექნოლოგიებისა და სოციალური ქსელების განვითარების პირობებში სახელმწიფოს ძალა არა ამათუიმ ტერიტორიაზე კონტროლია, არამედ მისი მოსახლეობისკეთილდღება და კრეატიულობა, განაცხადა აშშ-ს პრეზიდენტმა ბარაკ ობამამ გაეროს გენერალურ ასამბლეაზე გამოსვლისას.

მისი გამოსვლის მთავარი თემები დემოკრატიის გარდა ტერორიზმი, აღმოსავლეთში არსებული კრიზისები. სირია, რუსეთ-უკრაინის კონფლიქტი და რუსეთთან ურთიერთობა იყო.

„არიან ქვეყნები, რომლებიც ე.წ. ძლიერის უფლების გამოყენებით ცდილობენ გავლენის მოხდენას სხვებზე, აგრეთვე უზღუდავენ საკუთარ მოქალაქეებს თავისუფლებებს, ვითომდა ტერორიზმის შეჩერების მიზნით,“ - განაცხადა ობამამ, თუმცა ეს ქვეყნები ღიად არ დაუსახელებია.

შეეხო რა სირიის პრობლემას, ობამამ განაცხადა, რომ მისი მოგვარება მსოფლიოს მხოლოდ ერთიანი ძალით შეუძლია. როდესაც დიქტატორი კლავს ათასობით საკუთარ მოქალაქეს, ეს აღარ არის მხოლოდ ამ სახელმწიფოს შიდა საქმე,“ - აღნიშნა აშშ-ს პრეზიდენტმა.

ობამამ განაცხადა, რომ აშშ მზადაა ითანამშრომლოს ყველა ქვეყანასთან, მათ შორის რუსეთსა და ირანთან, რათა მოგვარდეს სირიის კონფლიქტი. მისი თქმით ამდენი სისხლის შემდეგ შეუძლებელია ქვეყანა ომისწინა სტატუსქვოს დაუბრუნდეს.

ობამამ უკრაინის კონფლიქტზეც ისაუბრა და აღნბიშნა, რომ სანქციები ადექვატური პასუხია უკრაინის სუვერენიტეტის ხელყოფიასა და ყირიმის ანექსიაზე. „ეს არა არის ცივი ომისკენ დაბრუნება, ეს პასუხია რუსეთის პოზიციაზე ამ საკითხთან მიმაღთებაში,“ - ხაზი გაუსვა პრეზიდენტმა.

„სანქციების გამო ეცემა რუბლი, რუსეთის ეკონომიკა და ხდება ქვეყნიდან განათლებული ადამიანების ემიგრაცია. ჩვენ არ გვინდა რუსეთის იზოლაცია, არა! ჩვენ გვჭირდება ძლიერი რუსეთი, რომელიც იქნება მსოფლიოს ეკონომიკის, სრულუფლებიანი მონაწილე“ - თქვა ობამამ, და დასძინა, რომ ამისათვის საჭიროა უკრაინის კრიზისის მოგვარება.

„მე მესმის, რომ დემოკრატიამ შესაძლოა ვიღაცას იმედი გაუცრუოს, შეიძლება დემოკრატია არ მუშაობდეს, მაგრამ დემოკრატია ქვეყნებს აძლიერებს,“ - განაცხადა ბარაკ ობამამ.