88 წლის რუს უფლებადამცველს "ვაცლავ ჰაველის სახელობის პრემია" მიენიჭა

მსოფლიო - 17:32, 28 Sep, 2015

851

ევროპის საბჭოს საპარლამენტო ასამბლეამ, ადამიანის უფლებების სფეროში დაწესებული "ვაცლავ ჰაველის სახელობის პრემია" ვეტერან რუს უფლებამდაცველს, 88 წლის ლუდმილა ალექსეევას მიანიჭა. "რადიო თავისუფლების" ცნობით, შესაბამისი ინფორმაცია ასამბლეის ოფიციალურ ვებგვერდზე გამოქვეყნდა.საბჭოთა ეპოქის დისიდენტსა და რუსეთის ერთ-ერთ ყველაზე ცნობილ უფლებადამცველს პრექტიჟული ჯილდო და 60 000 ევროს ოდენობის პრემია, დღეს, სტრასბურგში, ასამბლეის საშემოდგომო სესიის ფარგლებში, სპეციალურ ცერემონიაზე გადაეცა.ემოციულ გამოსვლაში, ალექსეევამ განაცხადა, რომ ეს ჯილდო ყველა რუს უფლებადამცველს ეკუთვნის, რომლებსაც მუშაობა უმძიმეს ვითარებაში უწევთ. "ერთ დღეს ჩვენ აუცილებლად გავხდებით დემოკრატიული ქვეყანა, რადგან ჩვენ ევროპული ქვეყანა ვართ. ამის მთელი გულით მჯერა“ - განაცხადა ალექსეევამ.

ეუთო-ს თავმჯდომარემ ან ბრასერმა ცრემონიაზე აღნიშნა, რომ ლუდმილა ალექსეევა "შთაგონების წყაროა" რუს უფლებადამცველთა მრავალი თაობისთვის.

"ათწლეულების განმავლობაში მას დევნიდნენ და ემუქრებოდნენ, მან სამსახური დაკარგა და იძულებული გახდა, ქვეყანა დაეტოვებინა იმისთვის, რომ საბჭოთა კავშირში ადამიანის უფლებების დარღვევებზე ხმამაღლა საუბარი გაეგრძელებინა"- განაცხდა ბრასერმა.

1877 წელს ის იძულებული გახდა ემიგრაციაში აშშ-ში წასულიყო. 1989 წელს კი სამშობლოში მუშაობის გასაგრძელებლადა დაბრუნდა. დღეს ის მოსკოვის ჰელსინკის ჯგუფს ხელმძღვანელობს და ადამიანის უფლებების დარღვევების დაფიქსირებას და დაზარალებულებს დახმარებას განაგრძობს.