არასამთავრობო ორგანიზაციების ნაწილი აეროპორტში 16.00 საათზე შეიკრიბება. ეს ჯგუფი ე.წ. სირცხვილის კორიდორის მოწყობას აპირებს, რითაც გააპროტესტებენ "ერისიონის" გამოსვლას კრემლის ყრილობათა დარბაზში, ხოლო მეორე ნაწილი მოქალაქეთა ის ჯგუფია, რომლებიც "ერისიონის" მხარდასაჭერად მიდიან და აეროპორტში წასვლამდე სასტუმრო "რედისონის" წინ შეიკრიბებიან.

თავშეყრა გუშინ საღამოს დაანონსდა სოციალურ ქსელ "ფეისბუქში". ორი, კარდინალურად განსხვავებული პოლიტიკური პოზიციის მქონე მოქალაქეთა ჯგუფის შესაძლო დაპირისპირების აღკვეთის მიზნით რამდენიმე არასამთავრობო ორგანიზაციამ შსს-ს მაქსიმალური ძალისხმევის გამოვლინებისკენ მოუწოდა.