"მე მეფე არ ვარ" - პუტინს აშშ-ს გახსნილობა და უკომპლექსობა მოსწონს (ვიდეო)

მსოფლიო - 13:14, 26 Sep, 2015

3361

რუსეთის პრეზიდენტმა ვლადიმერ პუტინმა ამერიკულ ტელეარხ CBS-ს ინტერვიუ მისცა. ინტერვიუს ერთი ნაწილი მის ამერიკისადმი დამოკიდებულებას შეეხო.

ჟურნალისტი: აშშ-ში თქვენზე ძალიან ბევრს საუბრობენ.

პუტინი: მათ რა მეტი საქმე არ აქვთ? (იცინის)

ჟურნალისტი: იქნებ თქვენ მათთვის საინტერესო პიროვნება ხართ, და საქმეც სწორედ ამაშია. იცით რომ ბევრი თქვენ მეფეს (царь) გეძახით?

პუტინი: მერე რა, მე სხვადასხვა რამეს მეძახიან...

ჟურნალისტი: და ეს ტიტული თქვენ შეგეფერებათ?

პუტინი: არა. ჩვენთან ამბობენ, რომ "დამიძახეთ თუნდაც ქოთანი, მაგრამ ღუმელში ნუ შემდგამთ". მნიშვნელობა არ აქვს რას გეძახიან კეთილმოსურნენი, მეგობრები ან პოლიტიკური მოწინააღმდეგეები, მთავარია შენ რას ფიქრობ, რისი გაკეთების ვალდებულება გაქვს, როდესაც იმ ქვეყნის ინტერესები უნდა დაიცვა, რომელმაც განდო ისეთი საპასუხისმგებლო პოსტი, როგორიც რუსეთის სახელმწიფოს მეთაურობაა.

ჟურნალისტი: საინტერესოა თუ არა თქვენთვის ამერიკა და რა მოგწონთ მასში ყველაზე მეტად?

პუტინი: მომწონს ამერიკის წინაშე მდგარი პრობლემების გადაჭრისადმი შემოქმედებითი მიდგომა, გახსნილობა და შინაგანი კომპლექსებისგან თავისუფლება - რაც საშუალებას იძლევა სრულად გამოვლინდეს ადამიანის პოტენციალი.. ჩემი აზრით, სწორედ ამიტომ მიაღწია ამერიკამ ასეთ გამაოგნებელ წარმატებებს თავის განვითარებაში.