პროკურორის გიორგი დავითაშვილის თქმით, ნარკოდანაშაულში ბრალდებული კახა მამულაშვილის გათავისუფლების საფუძველი მისი პიროვნება გახდა.

ამის შესახებ დავითაშვილმა საქალაქო სასამართლოში განაცხადა, სადაც მამულაშვილის საქმეზე პროცესი გაიმართა.

მისი განცხადებით, არ არსებობდა მამულაშვილის მხრიდან მიმალვის საფრთხე, რის გამოც მისი პატიმრობაში დატოვება საჭირო აღარ იყო.

„მამულაშვილის გათავისუფლების საფუძველი გახლდათ ბრალდებულის პიროვნება და მისი წარსული ცხოვრება გახდა. მან თავი დამნაშავედ ცნო. აღარ არსებობდა მისი, როგორც ბრალდებულის მიმალვის და მტკიცებულებების განადგურების საფრთხე. ამიტომ ჩავთვალეთ, რომ გირაო 15 ათასი ლარის ოდენობით სრულად უზრუნველყოფდა აღკვეთის ღონისძიების შესრულებას“, - ამბობს პროკურორი.

საქალაქო სასამართლოში კახა მამულაშვილის საქმეზე პროცესი 19 ოქტომბერს გაიმართება.