"ვაზნები გაურკვეველ ვითარებაშია აღმოჩენილი"- მახინიების ადვოკატი

სამართალი - 12:23, 23 Sep, 2015

2242

ქალაქ ოზურგეთში ,ზვანში, მერაბ კოსტავას ქუჩაზე მდებარე 5 სართულიან სახლში, მახინიების ბინაში დღეს ჩატარებულ ჩხრეკასთან დაკავშირებით კომენტარფი ოჯახის ადვოკატმა გააკეთა. როგორც დავით მამალაძე აცხადებს სახლში ვაზნების აღმოჩენა გაურკვეველ ვითარებაში მოხდა.

„ბადრი მახინიას სახლში ჩატარდა ჩხრეკა, რომელსაც არანაირი წინააღმდეგობა არ გაუწევია პოლიციისთვის, გამომდინარე იქედან, რომ არც ჰქონდა არაფერი წინააღმდეგობის გასაწევი. აღმოჩენილ იქნა 4 ცალი საქორწინო მაშხალა, რომლის ქონასაც თვითონაც ადატურებდა, ვაზნები კი გაურკვეველ ვითარებაშია აღმოჩენილი. მოწმეებიც კი, ვინც ჩხრეკას ესწრეოდა დაბნეულები არიან, პოლიციას ახლდა სამოქალაქო ფორმაში ჩაცმული დაუდგენელი პიროვნება და გვაქვს საფუძვლიანი ეჭვი, რომ ვაზნები ჩადებულია. დანარჩენს გამოძიება დაადგენს.“- განაცხადა ბადრი მახინიას ადვოკატმა დავით მამალაძემ.

შშს-ს პრესსამსახურის ცნობით, მახიანების ბინაში ჩატარდა საგამოძიებო ღონისძიება, ბინიდან ამოღებული იქნა გამოძიებისთვის მნიშვნელოვანი ნივთები, რასაც ჩაუტარდება ექსპერტიზა. "გამოძიების ინტერესებიდან გამომდინარე, ამ ეტაპზე სხვა ინფორმაციის გაცემისგან თავს ვიკავებთ"- განაცხადეს უწყების პრესსამსახურში.