„სირიის თავისუფალი არმიის“ ბოევიკებმა „იუთუბზე“ ჰომსის პროვინციაში გადაღებული ვიდეოჩანაწერი ატვირთეს, რომლითაც სირიაში რუსი ბომბდამშენების ყოფნას ამტკიცებენ.

ჩანაწერზე სამხედრო-სატრანსპორტო თვითმფრინავი „ილ-76“ ჩანს, რომელსაც თან 4 „სუ-24“ ტიპის ბომბდამშენი ახლავს. გამოცემა „ლენტა.რუს“ თანახმად, ბობმდამშენები რუსეთის საჰაერო ძალების თვითმფრინავებისთვის დამახასიათებელ ფერებშია. გამოცემის თანახმად, მსგავსი ტიპის თვითმფრინავებს სირია და ერაყიც იყენებენ, თუმცა მათთვის მწვანე და ლურჯ ფერებია დამახასიათებელი.

შეგახსენებთ, ოფიციალური ვაშინგტონი მოსკოვს სირიის პრეზიდენტის მ ხარდაჭერაში ადანაშაულებს.დასავლურ მედიაში გავრცელებული ცნობით, მოსკოვი სირიაში სამხედრო ბაზებს შენებს. გარდა ამისა, სამხედრო ტექნიკასა და ჯარისკაცებსაც გზავნის.

რუსეთის მთავრობა კი ბრალდებებს უარყოფს. სერგეი ლავროვის განცხადებით, სირიაშისამხედრო აღჭურვილობის გაგზავნა ამ დრომდე გაფორმებული კონტრაქტების დასაერთაშორისო შეთანხმებების პირობების ფარგლებში ხორციელდება.

დღეს დილით გავრცელებული ინფორმაციით, ბატალიონმა „დონმა“, რომელიც რუსი დაქირავებული ჯარისკაცებისგან შედგება და რომელთა დისლოკაციის ადგილი ლუგანსკში მდებარეობს, ბრძანება მიიღეს, 190 ჯარისკაცი „მივლინებით“ რუსეთის ფედერაციაში გადაგზავნონ, საიდანაც მათ სირიაში გადაისვრიან.

ამავდროულად, „კომერსანტის“ მიერ გავრცელებული ინფორმაციის თანახმად, სირიაში ტარტუს პორტში 1 700 რუსი სამხედრო იმყოფება.