"თავს უკეთეთ გრძნობს"- ლევან გვაზავა კომიდან გამოვიდა

სამართალი - 19:07, 19 Sep, 2015

4558

ადვოკატ დარეჯან გილაშვილის ინფორმაციით, შინაგან საქმეთა მინისტრის ყოფილი მოადგილე ლევან გვაზავა კომადან გამოვიდა და თავს უკეთ გრძნობს.

მისივე თქმით, გვაზავა კომიდან რამდენიმე დღეა რაც გამოვიდა, თუმცა ძალების აღდგენას დრო სჭირდება.

გილაშვილის განცხადებით, მისი დაცვის ქვეშ მყოფს სახის არეში ოპერაცია წარმატებით ჩაუტარდა, თუმცა გვაზავას სავარაუდოდ რეაბილაცია კვლავ დასჭირდება.
„ლევან გვაზავა კომიდან გამოვიდა, მკურნალობას განაგრძობს და თავს უკეთეთ გრძნობს“,- აცხადებს ადვოკატი.

დარეჯან გილაშვილს ინფორმაცია არ აქვს, როდის აპირებენ სამართალდამცველები საქმის დეტალები ლევან გვაზავას გააცნონ.

პროკურატურის ინფორმაციით, პოლიციის ყოფილმა მაღალჩინოსანმა თვითმკვლელობა მას შემდეგ სცადა, რაც მის მიერ გასროლილ ტყვიას გვაზავას დეიდაშვილი ემსხვერპლა.

ამ დროსითვის გავრცელებული ოფიციალური ინფორმაციით, მიმდინარე წლის 28 აგვისტოს, დაახლოებით 22:00 საათზე ილია ქერტყოევი, ლევან გვაზავა, რევაზ კალომლეწავი და გურამ თათელაძე, ილია ქერტყოევის მართვის ქვეშ მყოფი ,,mercedes ml“-ის მარკის ავტომანქანით სოფელ პანტიანიდან, სადაც ლევან გვაზავას ნათესავთან აღნიშნეს მარიამობის დღესასწაული, ბრუნდებოდნენ ქ.თბილისში.

პროკურატურის ინფორმაციით, "ავტომანქანის წინა სავარძლებზე ისხდნენ ილია ქერტყოევი და რევაზ კალომლეწავი, ხოლო უკან - ლევან გვაზავა და გურამ თათელაძე. გზაში ლევან გვაზავამ უმიზეზოდ ამოიღო სავარაუდოდ შენახვისა და ტარების უფლებით რეგისტრირებული ,,გლოკი“-ს სისტემის ცეცხლსასროლი იარაღი, თუმცა გურამ თათელაძის მოთხოვნით შეინახა. აღნიშნულიდან რამდენიმე წუთში, როდესაც ავტომანქანა იმყოფებოდა თბილისი -კოჯორის გზატკეცილის 2/156-ე კილომეტრზე, ავტომანქანის სალონში სავარაუდოდ ლევან გვაზავას კუთვნილი იარაღიდან მოხდა გასროლა, რის შედეგადაც სასიკვდილო დაზიანება მიიღო ლევან გვაზავას დეიდაშვილმა რევაზ კალომლეწავმა და შემთხვევის ადგილზევე გარდაიცვალა. აღნიშნულის შემდეგ ლევან გვაზავამ სავარაუდოდ მის ხელთ არსებული ცეცხლსასროლი იარაღით მიიყენა თვითდაზიანება თავის არეში, რის შემდგომაც იგი გადაყვანილ იქნა შპს ,,მაღალი სამედიცინო ტექნოლოგიების ცენტრი - საუნივერსიტეტო კლინიკა“-ში.

შს ყოფილი მაღალჩინოსანი დღემდე კლინიკაში რჩება.