გიგი უგულავას საქმის მოსამართლე ლაშა ჩხიკვაძე პოლიტიკოსებს მოუწოდებს განცხადებებისგან თავი შეიკაონ. როგორც საქალაქო სასამართლოში მიმდინარე პროცესზე ჩხიკვაძემ განაცხადა, მსგავსი განცხადებები პროცესს ვნებს.

„მოვუწოდებ პოლიტიკოსებს და ყველას თავი შეიკავონ ამ ტიპის განცხადებებისგან, რადგან ეს ვნებს სასამართლო პროცესს და არასწორ მოლოდინებს აჩენს ", - განაცხადა ლაშა ჩხიკვაძემ.

შეგახსენებთ, საქალაქო სასამართლოში "თბილსერვისისა" და "რიყის" გასხვისების საქმეზე გიგი უგულავას წინააღმდეგ პროცესი მიმდინარეობს, რომელსაც მოსამართლე ლაშა ჩხიკვაძე უძღვება. მან ცოტა ხნის წინ გიგი უგულავას ადვოკატების შუამდგომლობა პროცესის გადადების თაობაზე არ დააკმაყოფილა.

დაცვის მხარე პროცესის ერთი კვირით გადადებას ითხოვდა, რათა უკეთესად მოემზადებინათ დასკვნითი სიტყვა, ადვოკატების მეორე არგუმენტი, ემოციური ფონის ჩაცხრობა იყო.