მიგრანტთა შესაჩერებლად უნგრეთმა ხორვატიის საზღვართან ღობის შენება დაიწყო

მსოფლიო - 11:22, 18 Sep, 2015

1419

მიგრანტთა ნაკადის შესაჩერებლად, უნგრეთმა ხორვატიის საზღვართან ბარიერების მშენებლობა დაიწყო. ამის შესახებ ქვეყნის პრემიერ-მინისტრმა, ვიქტორ ორბანმა განაცხადა.

ბარიერი 41 კმ-ის მონაკვეთზე აშენდება, იქ სადაც ორ ქვეყანას შორის მდინარე გადის.

ანალოგიური ბარიერი უნგრეთმა სერბეთის საზღვრის გასწვრივაც გაავლო. 175 კილომეტრიან მონაკვეთზე ოთხი მეტრის სიმაღლის ღობეც აიგო.

გარდა ამისა, უნგრეთში მიგრანტების შესახებ მომზადებული ახალი კანონი ამოქმედდა, რომელიც ხელისუფლებას ნებისმიერი ადამიანის დაკავების უფლებას ანიჭებს, თუ ის სერბეთთან გავლებული საზღვრის უკანონო გადაკვეთას შეეცდება.

მიგრანტთა ნაკადმა ხორვატიის საზღვრისკენ მას შემდეგ გადაინაცვლა, რაც უნგრეთმა სერბეთთან საზღვარი ლტოლვილებისთვის ჩაკეტა. ქვეყნის ხელისუფლების განცხადებით, ხორვატიას შეუძლია რამდენიმე ათასმიგრანტს თავშესაფარი მისცეს და მათ სპეციალურ პუნქტებში არეგისტრირებენ კიდეც. თუმცა, ათიათოსიბით თავშესაფრის მაძიებელს ვერ შეიფარებს. დღეს გავრცელებული ინფორმაციით, მიგრანტების დიდი ნკაკადის გამო ხორვატიის პოლიციამ სერბეთში გადასასვლელი რვა სასაზღვრო პუნქტი ჩაკეტა.