ვანო მერაბიშვილი: "გარანტიას ვაძლევ, პასუხს აგებენ ქართული კანონმდებლობის წინაშე"

სამართალი - 20:07, 17 Sep, 2015

6978

პატიმრობაში მყოფი ვანო მერაბიშვილის განცხადებით თუ დღეს სასამართლომ გიგი უგულავას გათავისუფლების გადაწყვეტილება არ მიიღო, ეს უპრეცენდენტო ფაქტი იქნება. აღნიშნული განცხადება ყოფილმა პრემიერმა სასამართლო დარბაზში გააკეთა.

„დღეს გიგი თუ არ გათავისუფლდა, ეს იქნება არნახული ფაქტი. სხდომის გადადება იქნება ამ სამარცხვინო ადამიანებისათვის, პროკურორებისათვის თავის დახრა.ვიცი, რომ თქვენზე დიდი ზეწოლა ხორციელდება, მაგრამ ეს პერიოდი წარსულს ჩაბარდება.“- განაცხადა მერაბიშვილმა.

ვანო მერაბიშვილმა დღევანდელი სასამართლო პროცესის პროკურორებზეც ისაუბრა და აღნიშნა, რომ ისინი პასუხს აგებენ ქართული კანონმდებლობის წინაშე:

„გარანტიას ვაძლევ, პასუხს აგებენ ქართული კანონმდებლობის წინაშე .მინდა, ჯარჯი წიკლაურზე ვთქვა, მის სინდისზე არა მარტო ძველი ცოდვებია, არამედ ახალიც. სასჯელაღსრულების დაწესებულების ზედამხედველობაში მუშაობდა ბევრი ცოდვა აქვს. მასაც მოეკითხება“, - აღნიშნა მერაბიშვილმა.

მერაბიშვილმა მოსამართლე მერაბ ტურავაზეც ისაუბრა და მას კორუმპირებული, მექრთამე და გათახსირებული უწოდა.

„"კორუმპირებული, მექრთამე და გათახსირებული ტურავას პირობებში, საკონსტიტუციო სასამართლომ გააუქმა ნორმა, რის საფუძველზეც უგულავა უნდა გათავისუფლდეს.“- განაცხადა მერაბიშვილმა.

საბოლოოდ ვანო მერაბიშვილმა სასამართლო ხმამაღალი შეძახილების ფონზე პროტესტის ნიშნად დატოვა. მერაბიშვილის გაღიზიანება პროკურორ ჯარჯი წიკლაურის შუამდგომლობამ, გამოიწვია, რაც საკონსტიტუციო სასამართლოს სარეზოლუციო ნაწილის გასაცნობად დროის მიცემას გულისხმობდა. მერაბიშვილმა პროკურორებს მიანიშნა, რომ მათ ტელევიზორის მეშვეობითაც კი შეეძლოთ ამ სარეზოლუციო ნაწილის გაცნობა
"ტელევიზორი არ გაქვთ? არ გრცხვენიათ?" - მიმართა მერაბიშვილმა პროკურორებს და სხდომა მოსამართლის შენიშვნის შემდეგ დატოვა.