გამოძიების ინფორმაციით, სამშენებლო სამუშაოები უხარისხოდ და დარღვევებით არის შესრულებული, თანხები კი გაფლანგული, ქვემო ქართლის გუბერნატორი, ამ ფაქტს მის მიერ ფინანსთა სამინისტროს მიმართულებით გაკეთებულ განცხადებას უკავშირებს და ამბობს, რომ მისი ოჯახის წევრის დაკითხვაზე დაბარება, პირადად ნოდარ ხადურის პოლიტიკური გადაწყვეტილებაა.

"დღეს მე გავაკეთე განცხადება იმასთან დაკავშირებით, თუ რა პასუხი მივიღეთ ფინანსთა სამინისტროსგან. ასევე, გავაკეთეთ კომენტარი იმასთან დაკავშირებით, რომ თუ ფინანსთა მინისტრი არის მართალი და ის ამბობს, რომ ბიუჯეტში თავისუფალი თანხა არის 800 მილიონი, მაშინ რატომ არ აკმაყოფილებენ იმ 20 ათასი რუსთაველის მოთხოვნას, რომლებიც დახმარებას ელიან.

მათი მხრიდან კი რაც მივიღეთ არის ის, რომ დღეს მამაჩემი დაკითხეს, ამიტომ ვთვლი მე იმას, რომ ეს ყველაფერი ფინანსთა მინისტრის პირადი დავალებაა", - ამბობს დავით კირკიტაძე.