თბილისისი საქალაქო სასამართლოში გიგი უგულავას საქმეზე სხდომა ამ დრომდე არ დაწყებულა. პროცესი 17:00 საათზე იყო ჩანიშნული, თუმცა ამ დროისათვის, საქალაქო სასამართლოს დარბაზში პროკურორები არ გამოცხადებულან.

პროცესზე შესვლას ვერ ახერხებენ მოქალაქეები, იმის გამო, რომ დარბაზში შესვლის მსურველი ბევრი ადამიანია. დახუთულობის გამო, რამდენიმე ადამიანი შეუძლოდ გახდა.

შეგახსენებთ, რომ საკონსტიტუციო სასამართლომ გიგი უგულავას სარჩელი, სადაც იგი პარლამენტს ანტიკონსტიტუციურ ქმედებაში ადანაშაულეს ნაწილობრივ დააკმაყოფილა. დაცვის მხარე განმარტავს, რომ ბრალდებულს წინასწარი პატიმრობის ცხრათვიანი ვადა უკვე ამოეწურა და მისი საპატიმროში დატოვებით კონსტიტუცია დაირღვა. დაცვის მხარე, უგულავას პატიმრობიდან დაუყოვნებლივ გათავისუფლებას ითხოვს.