თბილისის ყოფილი მერი გიგი უგულავა მატროსოვის ციხიდან საქალაქო სასამართლოში გადაიყვანეს, სადაც ტელეკომპანია „იმედის“ და რიყის გახსვისების საქმეზე პროცესი იმართება. მანამდე მასთან ადვოკატი ბექა ბასილაია იმყოფებოდა. მან სასჯელაღსრულების მეცხრე დაწესებულების ადმინისტრაციას საკონსტიტუციო სასამართლოს გადაწყვეტილების სარეზულოციო ნაწილი ჩააბარა.

ბასილაიამ ასევე მიმართა საქალაქო სასამართლოს, რომ დაუყოვნებლივ მოხდეს ყოფილი მერის გათავისუფლება.

„უგულავა უნდა გაეთავისუფლებინა სასჯელაღსრულების დაწესებულებას. მიუხედავად ამისა მათ კანონი დაარღვიეს“, - ამბობს ადვოკატი.

დღეს საქალაქო სასამართლოში გიგი უგულავას პროცესი გაიმართება. სხდომაზე უგულავას ადვოკატი დასკვნითი სიტყვით უნდა წარდგეს. საქმე თბილისერვისისა და რიყის პარკის ეპიზოდებს ეხება.

შეგახსენებთ, საკონსტიტუციო სასამართლომ დედაქალაქის ყოფილი მერის სარჩელი უკანონო პატიმრობასთან დაკავშირებით ნაწილობრივ გუშინ დააკმაყოფილა.

სასამართლოს გადაწყვეტილების მიხედვით, 9-თვიანი წინასწარი პატიმრობის გასვლის შემდეგ, გამამტყუნებელი განაჩენის გარეშე, მისთვის წინასწარი პატიმრობის შეფარდება სხვა საქმეზე არაკონსტიტუციურად ცნო.