უნგრეთში მიგრანტებსა და პოლიციას შორის შეტაკება მოხდა (ფოტოკოლაჟი)

მსოფლიო - 10:49, 17 Sep, 2015

1751

უნგრეთ-სერბეთის საზღვარზე მიგრნტებსა და სამართალდამცავებს შორის მოხდა.მას შემდეგ რაც, მიგრანტებმა სასაზღვრო ღობის გარღვევა სცადეს, პოლიციამ მათ გადაადგილების უფლება არ მისცა. სამართალდამცავებმა მათი ნაკადის შესაჩერებლად ცრემლსადენი გაზი და წყლის ჭავლი გამოიყენა. დაშავდა 20 სამართადამცველი და რამდენიმე მიგრანტიც. პოლიციის განცხადებით, მიგრანტები ბავშვებს ფარებად იყენებდნენ და ასე ცდილობდნენ საზღვრის გადაკვეთას.

უნგრეთმა სერბეთთან საზღვარი ორი დღის წინ ჩაკეტა. მიზეზი თავშესაფრის მაძიებელთა ნაკადის ზრდა გახდა. უნგრეთში მიგრანტების შესახებ მომზადებული ახალი კანონი ამოქმედდა, რომელიც ხელისუფლებას ნებისმიერი ადამიანის დაკავების უფლებას ანიჭებს, თუ ის სერბეთთან გავლებული საზღვრის უკანონო გადაკვეთას შეეცდება. გვიან ღამით კი არაოფიციალური სასაზღვრო პუნქტიც დახურეს, რომლითაც დევნილები უნგრეთის ტერიტორიაზე გადადიოდნენ. ქვეყნის ხელისუფლებამ სერბეთის საზღვრის გასწვრივ, 175 კილომეტრიან მონაკვეთზე ოთხი მეტრის სიმაღლის ღობეც გაავლო. უნგრეთი ახლო აღმოსავლეთიდან ევროპაში ჩასული მიგრანტების მთავარი სატრანზიტო ქვეყანა გახდა, საიდანაც თავშესაფრის მაძიებლები ძირითადად ავსტრიასა და გერმანიაში გადადიან.

შემთხვევას გაეროს გენერალური მდივანი, პან გი მუნი გამოეხმაურა. მისი თქმით, თავშესაფრის მაძიებლებისადმი მსგავსი მოპყრობა მიუღებელია.