ანჯელინა ჯოლის 9 წლის ქალიშვილს სქესის შეცვლა სურს

ეს საინტერესოა - 15:48, 16 Sep, 2015

25235

ჰოლივუდის ყველაზე გავლენიანი და ცნობილი წყვილის, ანჯელინა ჯოლისა და ბრედ პიტის 9 წლის ქალიშვილს, შაილო ჯოლი-პიტს სქესის შეცვა სურს. ამის შესახებ დასავლური ტაბლოიდები წერენ.

გოგონას ბიჭისთვის დამახასიათებელი ინტერესები რომ გააჩნია, ეს დიდიხანია ცნობილია. დასავლური მედია ბევრს წერდა შაილოს ჩაცმის სტილზე. გოგონას ღრმა ბავშვობიდან ბიჭების ტანსაცმელი ეცვა და მოკლე ვარცხნილობას ატარებდა. თითქმის არავის ახსოვს კაბაში.

აღსანიშნავია, რომ შვილის ასეთი ქცევა არასოდეს აწუხებდა მის მშობლებს. ჯოლისა და პიტს ბევრჯერ აღუნიშნავთ, რომ შვილებს საკუთარი თავის გამოხატვის სრულ თავისუფლებას აძლევენ და შაილოს არც კაბის ჩაცმას აიძლებენ, რადგან მას ჩაცმის სხვა სტილი მოსწონს. ბრედ პიტმა ერთ-ერთ ინტერვიუში აღნიშნა, რომ მისი ქალიშვილის უცნაური ქცევები მხოლოდ ბავშვური ახირებაა.

თუმცა, დასავლური მედია იტყობინება, რომ 9 წლის გოგონა ამას ახირებად სულაც არ აღიქვამს.

გავრცელებული ცნობით, მას შემდეგ რაც შაილომ კეიტლინ ჯენერის (წარსულში ბრუს ჯენერი, რომელმაც სქესი შეიცვალა და ქალი გახდა) რეალითი შოუს უყურა დედას სქესის შეცვლის შესახებ ჰკითხა. როგორც უცხოური გამოცემები ირწმუნებიან, ჯოლიმ 9 წლის ქალიშვილს სქესის შეცვლის ოპერაციის შესახებ ღიად ესაუბრა და გოგონაც იდეამ მოხიბლა.

გავრცელებული ინფორმაციით, ეს ვარსკვლავური წყვილის ერთადერთი თავსატეხი არ არის. მათმა ერთ-ერთმა ნაშვილებმა ქალიშვილმა, საჰარამ, ეთიოპიაში ბიოლოგიურ დედასთან დაბრუნების სურვილი გამოთქვა.