სასჯელაღსრულების სამინისტრო ახალი ინიციატივით გამოდის

სამართალი - 16:28, 07 Mar, 2013

555

რომელთაც კანონმდებლობით დადგენილი რეჟიმის მიხედვით კვირაში ერთხელ რეგისტრაციისთვის უწევთ გამოცხადება პრობაციის ბიუროებში, პრობაციის ეროვნული სააგენტო გამოცხადების შეღავათიან რეჟიმს დაუწესებს. ახალი წესის თანახმად, ისინი პრობაციის ბიუროში ორ კვირაში ერთხელ მივლენ.

„პრობაციის ეროვნული სააგენტო განსაკუთრებულ ყურადღებას აქცევს საქართველოს ოკუპირებული ტერიტორიებიდან იძულებით გადაადგილებულ პირობით მსჯავრდებულთა რესოციალიზაცია-რეაბილიტაციის საკითხს და მომავალშიც გეგმავს მათ მიმართ სხვადასხვა აქტივობების განხორციელებას“, - აცხადებენ სამინისტროში.

ამასთან, 2013 წლის 28 მარტს პირობითი მსჯავრის გაუქმების მუდმივმოქმედი კომისია შეიკრიბება. განცხადებების სიმრავლის გამო, კომისია ამ სხდომაზე არ განიხილავს პირობითი მსჯავრის გაუქმების თაობაზე იმ პირობით მსჯავრდებულთა საქმეებს, რომელთაც ჩადენილი აქვთ განსაკუთრებით მძიმე დანაშაული (გარდა 260-ე მუხლისა), აქვთ კანონით დადგენილი რეჟიმის ერთზე მეტი მოქმედი დარღვევა, სასამართლოს მიერ გაგრძელებული აქვთ გამოსაცდელი ვადა, სასამართლოს მიერ გამოცხადებული იყო ძებნა, წარსულში არის ნასამართლევი, ან კანონით დადგენილი ნებართვის გარეშე აქვს საზღვრის კვეთა ან კვეთის მცდელობა.

კომისიის მხრიდან პრიორიტეტი მიენიჭება იმ პირობით მსჯავრდებულებს, ვისაც გამოსაცდელი ვადის დასრულებამდე დარჩენილი აქვთ არაუმეტეს ერთი წელი.

კომისია სხდომაზე ასევე განიხილავს ,,ნარკოტიკული დანაშაულის წინააღმდეგ ბრძოლის შესახებ” საქართველოს კანონის საფუძველზე ჩამორთმელი უფლებების ვადამდე აღდგენის თაობაზე განცხადებებს.