თურქეთის პოლიციამ, პრეზიდენტ რეჯეპ ტაიპ ერდოღანის შეურაცყოფისა და ტერორიზმის პროპაგანდის ბრალდებით, ჟურნალი „ნოქთა“ დაარბია და რედაქტორი, მურათ ჩაფანი დააკავა.

რედაქციისა დარბევას წინ ერდოღანის „სელფით“ გამოქვეყნებული სტატია უძღვოდა. ჟურნალის უკანასკნელ ნომრის გარეკანზე, პრეზიდენტი ერდოღანია გამოსახული, რომელიც ქვეყანაში ბოლო დროს განვითარებულ მოვლენების შედეგად ტერორისტების მიერ დაცხრილული ჯარისკაცების დაკრძალვის ცერემონიაზე სელფის იღებს.

დარბევას, ჟურნალ „ნოქთა“-ს მთავარი რედაქტორი, ჯევჰერი გუვენი, საკუთარი და ჟურნალის Twitter-ის გვერდზე გამოეხმაურა. მისი თქმით, ღამის საათებში პოლიციელების ჯგუფმა ჟურნალი „ნოქთა“ დაარბია, ხოლო დღეს გამოსაცემად გამზადებული ბოლო ნომრის გავრცელებაც აეკრძალათ. დაკავებულმა რედაქტორმა, მურათ ჩაფანმა დაკითხვისას განაცხადა, რომ ეს ფოტომონტაჟია, რომლის ინსპირაციის წყარო 2013 წელს ერაყის ომთან დაკავშირებით გავრცელებული ტონი ბლერის ფოტომონტაჟი გახდა.

სასამართლომ დაკავებული რედაქტორი გაათავისუფლა. გათავისუფლებმა ჩაფანმა განაცხადა, რომ დაწყებულ საქმეს ბოლომდე მიიყვანენ და თავისუფალ მედიაზე თავდასხმა, მათ ვერ შეაჩერებთ.

ქვეყნის ოპოზიციურ მედიასა და ელიტაში ჟურნალ "ნოქთას" დარბევამ დიდი რეზონანსი გამოიწვია.

შეგახსენებთ, თვის დასაწყისში, პოლიციამ რეჯეპ ტაიპ ერდოღანის ყველაზე დიდი „მტერი“, თავისუფალი მედიის ერთ-ერთი ძლიერი მედია ჯგუფის, Koza Ipek Holding-ის სათაო ოფისი დაარბია.