უახლოესი ორი წელი დედამიწაზე ყველაზე ცხელი იქნება

უახლოესი ორი წელი დედამიწაზე ყველაზე ცხელი იქნება - რას აცხადებენ მეტეოროლოგები

ეს საინტერესოა - 23:23, 14 Sep, 2015

10690

ბრიტანელი მეტეოროლოგების აზრით უახლოესი ორი წელი კვლევების პერიოდის განმავლობაში დედამიწაზე ყველაზე ცხელი იქნება. მეტეოროლოგების თქმით ატმოსფეროში გასროლილი მავნე ნივთიერებები, რომლებიც სათბურის ეფექტს ქმნიან პლანეტის კლიმატს სერიოზულად ცვლიან.

წელს საშუალო ტემპერატურა ჩვეულებრივზე 0,68 გრადუსით მეტი იყო.

მეცნიერების მტკიცებით, ატმოსფეროში ნახშირორჟანგის რაოდენობის ზრდა და ოკეანეებში მიმდინარე ცვლილებები სერიოზულ შედეგებს გამოიწვევს.

პროფესორ ადამ სკეიფერის თქმით, პლანეტაზე ამჟამად რამდენიმე კარდინალური ცვლილება ხდება, რომელიც შეუძლებელია პლანეტის საერთო კლიმატზე არ აისახოს.

პირველი ეს El Niño-ა, ანომალიური და გლობალური კლიმატური მოვლენა; თბილი სეზონური ზედაპირული დინება წყნარი ოკეანის აღმოსავლეთ ნაწილში. წყნარი ოკეანის ეკვატორული ნაწილის ზედაპირული ფენის ტემპერატურის რყევა, რომელიც შესამჩნევ გავლენას ახდენს კლიმატზე. ამ მოვლენისას, წყლის ზედაპირული ფენა უჩვეულოდ თბება.

ამასთანავე წყნარი ოკეანის ჩრდილოეთ ნაწილში ტემპერატურის მატება შეინიშნება, რომელიც როგორც წესი 10 წელწადში ერთხელ ხდება. ამავდროულად ტემპერატურა მცირდება ატლანტიკის ჩრდილოეთით.

ამჟამად სწავლულები ცდილობენ იმის გარკვევას, რამდენად მოახდენს პლანეტის საერთო კლიმატურ სურათზე გავლენას დედამიწის სხვადასხვა ნაწილში მიმდინარე მნიშვნელოვანი ცვლილებები.