ქრისტინე კეკუტია 26 სექტემბერს გამართულ კონკურსზე - ,,მის მსოფლიო მშვიდობა“ საქართველოს წარმოადგენს. ქრისტინე 19 წლისაა, ის სამედიცინო უნივერსიტეტის სტუდენტია. ამავდროულად არის მუსიკოსი. როგორც ,,ნიუპოსტს“ ქრისტინემ ექსკლუზიურად განუცხადა, სიმღერებს თავადაც წერს და აპირებს საკუთარი მუსიკალური შესაძლებლობები კონკურსზეც წარმოაჩინოს. ქრისტინე კონკურსის ტალანტების ნომინაციაშიც მიიღებს მონაწილეობას და როგორც თავად გვითხრა ქართულ სიმღერას შეასრულებს.

_უკვე მეორე წელია ირკალი კახნიაშვილთან ვარ სამოდელო საააგენტო ,,ირაკლეონში“.

სამოდელო სფეროში არცერთ კონკურსში არ მიმიღია მონაწილეობა და ახლა მომეცა შანსი, რომ გავიდე. ეს არის ჩემი პირველი დებიუტი.

_როდის მიემგზავრები?

_რამდენიმე დღეში მივემგზავრები ჰონგკონგში, ფინალი გაიმართება 26 სექტემბერს.

_რა პრინციპით შეგარციეს შენ?

_ჩატარდა კასტინგი, მნიშვნელოვანი იყო მათი აზრიც ჩემს შესახებ და მოხდა ისე, რომ საქართველოს სახელით მხოლოდ მე ვიქნები წარმოდგენილი.

ცალკე ტარდება კონკურსი ტალანტები, სადაც ასევე ვიღებ მონაწლეობას. ეს არის მის მსოფლიო მშვიდობის შემადგენელი ცალკე ნომინაცია. ვაპირებდი რომ ფორტეპიანოზე შემესრულებინა რაიმე ნაწარმოები, თუმცა ისე მოხდა, რომ სცენაზე არ იქნება ინსტრუმენტი და მხოლოდ სიმღერას შევასრულებ.

_გვეტყვი, რა სიმღერას შეასრულებ?

_ეს იქნება ქართული სიმღერა, ასე გადავწვიტე... თუმცა ჯერ-ჯერობით არ გავამხელ, კონკრეტულად რომელიც სიმღერით წარმოვადგენ საქართველოს. მეც ვწერ თავად სიმღერებს, თუმცა ვინაიდან ვერ დავუკრავ, ამიტომ ცნობილ ქართულ სიმღერას შევასრულებ.