ტაჯიკეთის თავდაცვის მინისტრის ყოფილი მოადგილე, აბდუხალიმ ნაზარზოდა, რომელიც დუშანბესა და ვახდათში, შეიარაღებული თავდასხმების ორგანიზებაში იყო ეჭვმიტანილი, ლიკვიდირებულია.

ამის შესახებ ინფორმაციას სააგენტო Asia-Plus ავრცელებს, თუმცა სახელმწიფო უწყებები ფაქტს ჯერჯერობით არ ადასტურებენ.

შეგახსენებთ, გავრცელებული ინფორმაციით, ნაზარზოდამ, დედაქალაქში მდებარე სამხედრო ნაწილიდან დიდი რაოდენობით იარაღი და საბრძოლო მასალა გაიტაცა, შემდეგ კი შეიარაღებული თავდასხმები მოაწყო სახელმწიფო უწყებების შენობებზე.

გასულ კვირას თავდაცვის მინისტრის ყოფილი მოადგილის, აბდუხალიმ ნაზარზოდას ჯგუფის წინააღმდეგ ჩატარებული სპეცოპერაციის შედეგად, დაკავებულია ჯგუფის 32 წევრი, ამოღებულია 500-მდე ცეცხლსასროლი იარაღი და მსუბუქი ავტომობილები.