არეულობა მას შემდეგ დაიწყო, რაც "ქურთების მუშათა პარტიის" მებრძოლებმა 14 სამართალდამცველი მოკლეს. მომხდარის შემდეგ ნაციონალისტები თავს დაესხნენ ქურთების მხარდამჭერი პარტიის ოფისს და გადაწვეს ის ობიექტები, სადაც ქურთბი არიან დასაქმებულნი.

თურქეთში მიმდინარე მოვლენებზე „ნიუპოსტი“ თურქული ყოველდღიური ახალი ამბების „Bugun“-ის რედაქტორს - ემრა ულკერს ესაუბრა.

გთავაზობთ მოკლე ინტერვიუს ჟურნალსიტთან, რომელმაც ჩვენთან ვრცლად საუბარი პროფესიული საქმიანობის შესრულების გამო ვერ შეძლო.

- როგორია, თქვენი, როგორც ადგილობრივი ჟურნალისტის შეფასება თურქეთში მიმდინარე მოვლენებთან დაკავშირებით და აქვე როგორია მთავრობის პოზიცია იმ ვითარებაზე რაც თქვენს ქვეყანაშია შექმნილი?

- არჩევნებამდე ცოტა ხნით ადრე დაპირისპირება თურქეთის ხელისუფლებასა და „ქურთების მუშათა პარტიას“ შორის აქტიურ ფაზაში შევიდა. მოგეხსენებათ, ჩატარებული არჩევნების შედეგად, მმართველმა პარტიამ უმრავლესობის მოპოვება ვერ შეძლო, ვერ მოხერხდა ვერც კოალიციური მთავრობის შექმნა და დაინიშნა ახალი არჩევნები. ისედაც კრიტიკული ვითარების ფონზე, როდესაც ერთ დღეში 16 თურქ სამხედროს კლავენ, ვითარება მკვეთრად დაიძაბა. მთავრობის განცხადებების თანახმად, ისინი ტერორიზმის წინააღმდეგ ახორციელებენ ქმედებებს. ორმხრივ შეტაკებებს კი უკვე ასობით ადამიანი შეეწირა.

- რას იტყვით მოსახლეობის განწყობის შესახებ? პრესაში იწერება მოსალოდნელ სამოქალაქო ომზე...

- როგორც იცით, ქვეყანაში ტერორისტული აქტების დიდი რაოდენობის გამო, მოსახლეობა მუდმივ შიშშია. მოსახლეობა შეშინებულია ახლაც. ისინი სამოქალაქო ომის მოლოდინში არიან. სიტუაციის დესკალაციის მიუხედავად, ვიმედოვნებ, რომ სამოქალაქო ომი არ იქნება.

- დაძაბული სიტუაცია მოახდენს გავლენას ეკონომიკაზე?

- ეს ყველაფერი რა თქმა უნდა ქვეყნის ეკონომიკაზე მოახდენს გავლენას. დაძაბული ვითარებისა და შესაძლო ომის გამო ტურისტთა დიდი ნაწილი უარს იტყვის თურქეთში ჩამოსვლაზე, რაც ეკონომიკას დიდი დარტყმას მიაყენებს, დაიხურება ბიზნესები. ეს თურქეთის დიდ პოლიტიკურ და ეკონომიკურ საფრთხეს წამრმოადგენს.

ცბობისთვის, 15 აგვისტოს თურქეთში ქურთთა კონფლიქტის დაწყებიდან 31 წელი შესრულდა, რომელსაც საერთო ჯამში 40,000-ზე მეტი ადამიანი შეეწირა.

დავით ჯაბაშვილი