AccuWeather.com-ის ინფორმაციით, თოვლის სახით მოსული ნალექი თბილისში დაახლოებით ერთ საათში შეწყდება, რის შემდეგაც ქარი და, ძირითადად, უნალექო ამინდია მოსალოდნელი. ღამის განმავლობაში თოვდა თბილისის შემოგარენშიც.

ამ ინფორმაციის გამოქვეყნების დროისთვის თბლისში ტემპერატურა ცელსიუსით 0 გრადუსია და სუსტად თოვს.

ამინდის პროგნოზში თოვლი არ ყოფილა ნავარაუდევი. პირიქით, სინოპტიკოსები აღმოსავლეთ საქართველოში და, მათ შორის, დედაქალაქშიც, უნალექო ამინდსა და გამოდარებას გვპირდებოდნენ.