ოდესის გუბერნატორის, მიხეილ სააკაშვილის უკრაინის პრემიერად დანიშვნის შესახებ პეტიციას საკმარისი რაოდენობის ადამიანმა მოაწერა ხელი იმისათვის, რომ აღნიშნული ინიციატივა მთავრობამ განიხილოს.

დოკუმენტს, რომელიც პირველ სექტემბერს უკრაინის პრეზიდენტის გვერდზე განთავსდა, 25 360-მა ადამიანმა მოაწერა ხელი, ხელმოწერების საჭირო რაოდენობა კი 25 000-ს შეადგენდა.

„უკრაინის პრემიერ-მინისტრის პოსტზე მიხეილ სააკაშვილის დანიშვნის მოთხოვნა. ბოლოსდაბოლოს ადამიანი გაატარებს უკრაინაში რეფორმებს. საკმარისია კორუფციის მოთმენა და რეფორმების გაჭიანურება“ - ნათქვამია პეტიციის ტექსტსში.

კანონის მიხედვით, უკრაინის პრეზიდენტი ვალდებულია აღნიშნული ინიციატივა მომდევნო 10 სამუშაო დღის განმავლობაში განიხილოს.

ბოლო პერიოდში ხშირად არის საუბარი მიხეილ სააკაშვილის უკრაინის პრემიერად დანიშვნის შესახებ, თავად სააკაშვილი ამ ფაქტს კატეგორიულად უარყოფს.