„აფბამ“ „საბჭოთა ანაბრების კვლევის ცენტრის“ ვებ-გვერდის პრეზენტაცია გამართა

საზოგადოება - 19:06, 06 Mar, 2013

482

კვლევის ერთ-ერთ ძირითად მიმართულებას ე.წ. საბჭოთა ანაბრების საკითხის შესწავლა წარმოადგენს. სპეციალურად ამ საკითხის შესასწავლად „აფბაში“ უკვე შექმნილია „საბჭოთა ანაბრების კვლევის ცენტრი“. "საბჭოთა ანაბრების კვლევის ცენტრის" მიზანია, უზრუნველყოს საზოგადოებასთან მაქსიმალური კომუნიკაცია, მოიპოვოს და შეაგროვოს ინფორმაცია, ჩააყენოს საზოგადოება საქმის კურსში ცენტრის საქმიანობასთან დაკავშირებით და რაც მთავარია - ხელი შეუწყოს და წვლილი შეიტანოს ანაბრების საკითხის მოგვარების პროცესში. "საბჭოთა ანაბრების კვლევის ცენტრს" უკვე ბევრმა ადამიანმა მიმართა და კვლევაში მონაწილეობის სურვილიც გამოთქვა. საზოგადოების მხრიდან დიდი დაინტერესების და აქტიურობის გამოჩენიდან გამომდინარე ცენტრმა შექმნა ცხელი ხაზი, რომელზე დარეკვის შესაძლებლობა ნებისმიერ მსურველს გააჩნია. ცხელი ხაზის ნომერია: (+995) 0790 10 90 19. გარდა ამისა, "საბჭოთა ანაბრების კვლევის ცენტრმა" შექმნა ვებ-გვერდი. ვებ-გვერდის მთავარ დანიშნულებას ანაბრების თემასთან დაკავშირებული ნებისმიერი მასალის, ექსპერტული შეფასებების და ინფორმაციის თავმოყრა და საზოგადოებისთვის მისი გაცნობაა. ვებ-გვერდის მისამართია: www.anabari.com.ge ვებ-გვერდზე www.anabari.com.ge განთავსებული იქნება ყველა სიახლე, ინტერვიუ, შეფასება, საარქივო მასალა და სიუჟეტი, რომლებიც ანაბრების თემას შეეხება. ვებ-გვერდი პერიოდულად შემოგთავაზებთ სახელმწიფო სტრუქტურების და ოფიციალური პირების პოზიციას ანაბრების პრობლემის მოგვარებასთან დაკავშირებით. www.anabari.com.ge-ზე პერიოდულად სხვადასხვა თემაზე ჩატარდება გამოკითხვები, რომელში მონაწილეობაც ნებისმიერ მსურველს შეეძლება. ვებ-გვერდს აგრეთვე გააჩნია სპეციალური საკომუნიკაციო ბანერი, რომლის საშუალებითაც მომხმარებელი ავტომატურად გადადის ანკეტის შესავსებ გვერდზე, რომლის საშუალებითაც შეეძლება მოგვაწოდოს ნებისმიერი ინფორმაცია. ვებ-გვერდს კიდევ დაემატება სხვა ფუნქციები, რომელთა საშუალებით საზოგადოებასთან კომუნიკაცია კიდევ უფრო ამაღლდება.