სახელმწიფო უსაფრთხოების სამსახურში ინსპექტორ გია არდაზიშვილის დაკავებას ადასტურებენ.

ამის შესახებ „ნიუპოსტს“ უწყებაში განუცხადეს.

თუმცა გომელაურის უწყებაში არ ადასტურებენ ინფორმაციას, რომ არდაზიშვილმა სამსახურიდან რაიმე სახის ინფორმაცია გაიტანა.

„სუს-ის კონტრდაზვერვის საგამოძიებო სამსახურმა ჩატარებული საგამოძიებო-ოპერატიული და სამძებრო სამუშაოების შედეგად დააკავა ინსპექტორი გია არდაზიშვილი სისხლის სამართლის კოდექსის 180-ე მუხლით, 236-ე მუხლის მესამე ნაწილით, 237-ე მუხლის მესამე, „გ“ ქვეპუნქტით და 333-ე მუხლის პირველი ნაწილით. ინფომაცია იმის თაობაზე, რომ მან რაიმე სახის ინფორმაცია გაიტანა სამსახურიდან არ დასტურდება“, - აცხადებენ სუს-ში.

შეგახსენებთ, არდაზიშვილის დაკავების შესახებ ინფორმაცია „ნაციონალურმა მოძრაობამ“ გაავრცელა.