რუსთავის #16-ე სასჯელაღსრულების დაწესებულებაში სამმა პატიმარმა შეწყალების მოთხოვნით დღეს სხვადასხვა დაზიანებები მიიყენა, - ამის შესახებ ინფორმაციას ერთ-ერთი პატიმრის დედა ციალა შაკაია ავრცელებს. პატიმარ კახა ხ-ს დედამ განაცხადა, რომ მის შვილს პირი აქვს ამოკერილი.

როგორც თავად ამბობს, მას შემდეგ, რაც მისი შვილის თანამესაკნემ აცნობა, რომ კახა ხ. ავად იყო. პატიმრის დედა დღეს დაწესებულებაში მივიდა და შვილი მოინახულა. მისი განცხადებით, კახა ხ-ს პირი აქვს ამოკერილი, ხოლო მის ორ თანამესაკნეს თვალები .
კახა ხ-სთან ერთად კარცერში მოთავსებულმა კიდევ ორმა პირმა კობა ჩ-მ და დანიელ თ-მ თვალების ამოკერვის შემდეგ ვენებიც გადაიჭრეს.
პატიმრების მოთხოვნა ამინისტირებულთა სიაში მოხვედრაა.

როგორც კახა ხ-ს დედა აღნიშნავს, მისი შვილი სასჯელს ნარკოტიკების შეძენა-შენახვა-მოხმარებისთვის იხდის, მას ამნისტია უნდა შეხებოდა, თუმცა, ამნისტირებულთა სიაში არ მოხვდა.

ასევე ვერ მოხვდნენ ამნისტირებულთა სიაში ის ორი პირი, რომლებმაც პროტესტის ნიშნად თვითდაზიანებები მიიყენეს.
.

,,ნიუპოსტმა" ინფრომაციის სიზუსტის გადამოწმება სასჯელაღსრულებისა, პრობაციის და იურიდიული დახმარების სამინისტროს პრესსამსახურთან სცადა, ირაკლი კორძაიას განცხადებით პატიმართა თვითდაზიანებების შესახებ ინფორმაცია არ აქვთ.
,,მინიმუმ ნახევარი საათი დამჭირდება, რომ გადავამოწმო ეგ ინფორმაცია. ისე კი ამინისტია არ დასრულებულა, 13 მარტს დასრულდება და ვის გამოუშვებენ და ვის არა, ეგ ჩვენს კომპეტენციაში არ შედის. ჩვენ სიამოვნებით გავუღებთ კარს მას ვისაც ბატონი მოსამართლე გამოუშვებს"-განაცხადა კორძაიამ ,,ნიუპოსტთან" საუბრისას.

თუ კახა ხ-ს საქმით შესაბამისი უწყებები არ დაინტერესდებიან, მისი დედა პრემიერ-მინისტრის რეზიდენციასთან შიმშილობის დაწყებას აპირებს.