უკრაინის პრეზიდენტმა პერტო პოროშენკომ განაცხადა, რომ რუსეთს გაეროს უშიშროების საბჭოზე ვეტოს უფლება უნდა ჩამოერთვას, იმ კონფლიქტების განხილვის დროს, რომლებშიც თავად რუსეთია ჩართული.

"ამერიკის ხმისთვის" მიცემულ ინტერვიუში პოროშენკო აცხადებს, რომ მაგალითისთვის მალაიზიური ბოინგის საკითხის განხილვაც საკმარისია, როდესაც რუსეთმა საერთაშორისო ტრიბუნალის შექმნის საკითხს ვეტო დაადო. ასეთი მექანიზმის შემოღება, უკრაინის პრეზიდენტის აზრით, გაეროს უშიშროების საბჭოს მუშაობას უფრო ეფექტურს გახდის.

"ახლა უშიშროების საბჭო უბრალოდ ბლოკირებულია და საკუთარი ფუნქციების შესრულება არ შეუძლია, რადგან ვეტოს უფლება აქვს იმ ქვეყანას, რომელიც ეჭვმიტანილია ამ ტერაქტის განხორციელების ხელშეწყობაში," - თვლის პოროშენკო.