"მე შეიძლება ჩამორჩენილი ვარ, მაგრამ მე მწამს ღმერთის" - სამართლებრივი კაზუსი გეი-ქორწინებების გამო

მსოფლიო - 12:32, 06 Sep, 2015

2984

აშშ-ს კენტაკის შტატში ქორწინების რეგისტრატორი კიმ დევისი თანამდებობიდან გადააყენეს და დააპატიმრეს, რადგან მან უარი განაცხადა ერთსქესიანთა ქორწინების რეგისტრაციის მოწმობების გაცემაზე. დევისს ბრალად ედება აშშ-ს უმაღლესი სასამართლოს გადაწყვეტილებისადმი დაუმორჩილებლობა.
ქალბატონი დევისი აცხადებს, რომ იგი ქრისტიანია და უმაღლესის სასამაღთლოს გადაწყვეტილება, ერთსქესიანთა ქორწიბნების რეგისტრაციის დაშვების თაობაზე მისი რწმენის საწინააღმდეგოა.
დევისის დაპატიმრების შემდეგ დანარჩენმა თანამშრომლებმა უკვე გასცეს რამდენიმე მოწმობა, თუმცა ამ პროცედურაში მონაწილეობა არ მიუღია კიმ დევისის ვაჟიშვილს, რომელიც იმავე ბიუროში მუშაობს.
დევისის დაპატიმრება და თანამდებობიდან განთავისუფლება ერთგვარ სამართლებრივ კაზუსს წარმოადგენს, რადგან ეს თანამდებობა არჩევითია, აცხადებს დაკავებულის ადვოკატი. ამასთან, კანონის თანახმად, ქორწინების მოწმობა მხოლოდ მაშინ შედის ძალაში, როდესაც მას რეგისტრაციის ბიუროს ხელმძღვანელი აწერს ხელს. დევისმა ხელმოწერაზე უარი განაცხადა, მიუხედავად იმისა, რომ მას ამ აქტის სანაცვლოდ გათავისუფლებას პირდებოდნენ.
გუშინ, კენტუკის შტატში, რამოდენიმე ასეული ადამიანი გამოვიდა მორწმუნე ქალბატონის დაცვის მოთხოვნით, მათ შორის კიმ დევისის მეუღლე.он.