ამერიკული მხარის ინიციატივით, შედგა სატელეფონო საუბარი აშშ სახელმწიფო მდივან ჯონ კერისა და რუსეთის საგარეო საქმეთა მინისტრ სერგეი ლავროვს შორის. საუბარი შეეხებოდა სირიაში რუსეთის სამხედრო ყოფნის გაძლიერების ფაქტს. გავრცელებული ცნობით, რუსეთმა დიდი რაოდენობით სამხედრო ტექნიკის ახალი პარტია და სამხედრო კონსულტანტები გააგზავნა სირიაში.

აშშ-ს სახელმწიფო დეპარტამენტის ცნობით, ჯონ კერიმ გააფრთხილა თავისი რუსი კოლეგა, რომ რუსეთის არმიის ოფიცრებისა და სამხედრო ტექნიკის რაოდენობის გაზრდა ხელს შეუწყობს კონფლიქტის შემდგომ ესკალაციას და მშვიდობიანი მოსახლეობის მსხვერპლის გაზრდას, რაც ვაშინგტონის შეშფოთებას იწვევს.