ზვიად სიჭინავა არჩევნებში მონაწილეობის მიღებას არ გამორიცხავს

სპორტი - 15:53, 04 Sep, 2015

1907

ფეხბურთის ფედერაციის პრეზიდენტი ზვიად სიჭინავა ხმის უფლების მინიჭებასთან დაკავშირებით საფეხბურთო კლუბების განცხადებას გამოეხმაურა. ზვიად სიჭინავა აცხადებს, რომ საფეხბურთო კლუბებმა ხმის უფლების მნიჭებასთან დაკავშირებით განცხადებები ფედერაციაში სრულყოფიად უნდა წარადგინონ. მისივე თქმით, განცხადებები რომლებიც ფედერაციაში შევიდა არ არის დასაბუთებული.

ზვიად სიჭინავა ასევე არ გამორიცხავს, რომ მან საკუთარი კანდიდატურა ფედერაციის პრეზიდენტობის კანდიდატად კიდევ ერთხელ დაარეგისტრიროს, რის მიზეზადაც სიჭინავა წინასაარჩევნოდ განვითარებულ მოვლენებს ასახელებს.

„14 სექტემბრამდე ყველა კლუბმა უნდა შემოიტანოს ნორმალურად განცხადება და არა შაბლონურად, როგორც არის შემოტანილი. ეს კლუბები არიან რეგიონალური ფედერაციების წევრები და არ შეიძლება ორივეგან იყვნენ გაწევრიანებულები. 7 სექტემბრამდე არის დრო და არ გამოვრიცხავ, რომ შევიტანო ჩემი კანდიდატურაც, იმიტომ, რომ სირცხვილია ის რასაც მე დღეს ვხედავ, თუ რა ფორმით იწერება ხალხი, რომლებიც აზრზე არ არიან. სირცხვილია ის, რომ კლუბი, რომელიც იწერება და არტყამს საკუთარ ბეჭედს, ამ დროს არ იცის რომ ფეხბურთის ფედერაციის წევრია. არ ვიცი რას აგზავნის გუბერნატორი, არ ვიცნობ ამ პიროვნებას და არ მქონდა ამაზე ლაპარაკი,“- განაცხადა ზვიად სიჭინავამ.

შეგახსენებთ, რომ რამდენიმე საფეხბურთო კლუბმა ფეხბურთის ფედერაციის პრეზიდენტის არჩევნებში ხმის უფლება ითხოვა და ფედერაციას შესაბამისი განცხადებეით მიმართა.