მორიგი შემზარავი კადრები - ზღვამ მიგრანტი ბავშვების ცხედრები გამორიყა (ფოტო +18)

მსოფლიო - 12:14, 03 Sep, 2015

9675

28 აგვისტოს, ლიბიის სანაპიროებთან მიგრანტების ნავის ჩაძირვის შედეგად 150 ადამიანი დაიღუპა. გარდაცვლილთა ცხედრები, რომელთა შორის ბავშვებიც არიან, ზღვამ ნაპირზე გამორიყა. სირიელმა ფოტოგრაფმა, ჰალედ ბარაკმა მათი ცხედრები ფირზე აღბეჭდა და სოციალურ ქსელშ გაავრცელა სახელწოდებით - „მულტიკულტურული სასაფლაო.“

ამავდროულად, დღეს დილით, თურქეთში ზღვამ 3 წლის სირიელი ბიჭის ცხედარიც გამორიყა.

ხმელთაშუა ზღვაში მიგრანტების დაღუპვის შემთხვევები ხშირია, მაშინ როდესაც ისინი ჩრდილოეთ აფრიკიდან ევროპაში ნავით გადასვლას ცდილობენ. გასული თვეების განმავლობაში, არალეგალების გემების კატასტროფის რამდენიმე შემთხვევა დაფიქსრიდა, რომელსაც ათასობით ადამიანის სიცოცხლე შეეწირა.

შეგახსენებთ, ამ წელს ერთ-ერთი ყველაზე დიდი ტრაგედია აპრილის ბოლოს დაფიქსირდა. ხმელთაშუა ზღვაში მიგრანტებით სავსე გემმა კატასტროფა განიცადა. ბორტზე მყოფი 700-მდე ადამიანიდან, მაშველებმა მხოლოდ 28-ის გადარჩენა მოახერხეს.

ბოლო წლების განმავლობაში, ჩრდილოეთ აფრიკიდან და სირიიდან იტალიაში ათიათასობით ადამიანი გადავიდა, რომელთა უმეტესობა ომსა და კონფლიქტებს გაექცა.

გაერო-ს მონაცემებით, საზღვრის არალეგალური გადაკვეთის მცდელობისას, წლის დასაწყისიდან ხმელთაშუა ზღვაში 3 000-ზე მეტი მიგრანტი დაიხრჩო. ევროკავშირმა ადამიანთა არალეგალურად გადაყვანის აღსაკვეთად სამხედრო საზღვაო ოპერაციის დაწყება და პატრულირების გადაწყვეტილება მიიღო.