ბესიკ ხარძიანის ოჯახის ადვოკატის ინფორმაციით, მკვლელს სავარაუდოდ წლის ბოლომდე დააკავებენ.

ამის შესახებ მალხაზ სალაყაიამ დღეს გამართულ ბრიფინგზე განაცხადა.

მისი ინფორმაციით, მკვლელის ვინაობა ცნობილია და მიმდინარეობს სამუშაოები მის დასაკავებლად.

როგორც ადვოკატი ამბობს, ბრალდებული საქართველოს საზღვრებს გარეთ იმყოფება.

„პროკურატურა ყველა ნიუანსთან დაკავშირებით ოჯახთან კონტაქტშია, რაც იმედს იძლევა, რომ საქმე წარმატებით გაიხსნება. რაც შეეხება მკვლელს, მისი ვინაობა ცნობილია და გამოძიებისთვის ეჭვმიტანილი არ შეცვლილა და არც დამატებულა სხვა პიროვნება. საქმესთან დაკავშირებით არც ერთი ვერსია არ მოხსნილა, მათ შორის არც ბიზნესმენ გია უდესიანის საქმესთან შემხებლობის ვერსია“, - განაცხადა სალაყაიამ.