შოთა არველაძე: ,,ყველამ უნდა იცოდეს ვინ რას აფუჭებს.... დღეს თუ არა, ხვალ ყველა აგებს პასუხს“

სპორტი - 19:48, 01 Sep, 2015

4339

საქართველოს ნაკრების ყოფილი ფეხბურთელი შოთა არველაძე დღეს სასტუმრო "რედისონში" საკუთარი ძმის, ფეხბურთის ფედერაციის პრეზიდენტობის კანდიდატის რევაზ არველაძის პროგრამის პრეზენტაციას დაესწრო. შოთა არველაძემ „ნიუპოსტთან“ წინასაარჩევვნო გარემოზე და გურიაში მომხდარ ინციდენტზე ისაუბრა.

„რეზი უნდა გახდეს ფეხბურთის ფედერაციის პრეზიდენტი იმიტომ, რომ მას აქვს დიდი მხარდაჭერა, არის ყველაზე გამოცდილი და იმიტომ, რომ მან ზუსტად იცის რა უნდა გააკეთოს.

რაც შეეხება წინასაარჩევნო პროცესს, არის ძალიან დაძაბული გარემო. მე სამართლიანობის საზომი ვერ გავხდები, მინდა რომ ყველაფერი იყოს კარგად, რაც მთავარია ყველამ უნდა იცოდეს ვინ რას აკეთებს და ვინ რას აფუჭებს. რაც შეეხება გურიაში მომხდარს, ამას ჩემი აზრით უკვე საკმარისად გაეცა პასუხი. არ ვიცი ზუსტად იქ რა ხდება მაგრამ არ დარჩება არაფერი ისე, რომ არ გაიგოს საზოგადოებამ. ყველა გაიგებს იმას, თუ ვინ სად როგორ ჩაერია და რა გააფუჭა. შეიძლება ეს საზოგადოებამ არ გაიგოს ერთ დღეს მაგრამ გაიგებს მესამე დღეს. ასეა ეს ქვეყანა მოწყობილი, შეიძლება პირველ დღეს ვერ აგო პასუხი უსამართლობაზე მაგრამ მესამე დღეს საზოგადოება ყველას აგებინებს პასუხს,“-განაცხადა შოთა არველაძემ "ნიუპოსტთან" საუბრისას.