კობიაშვილი ბრძოლას იწყებს - არჩევნები ფეხბურთის ფედერაციაში

სპორტი - 16:19, 30 Aug, 2015

2491

„ვერთვები საარჩევნო კამპანიაში და ორშაბათიდან ვიწყებ შეხვედრებს კლუბებთან, რეგიონულ ფედერაციებთან და ასოციაციებთან. ასევე, როგორც კანდიდატი, ჩემი ოფიციალური დარეგისტრირება მოხდება და ბოლოს მექნება შემაჯამებელი შეხვედრა ყველა თაობის ვეტერან ფეხბურთელთან. მე მინდა მათ იცოდნენ თუ რას ვაპირებ, რას გავაკეთებ ქართული ფეხბურთისთვის და როგორია ჩემი ხედვა, ზოგადად, ქართული ფეხბურთის უკეთესი მომავლისთვის. ასევე, სრულიად გახსნილი ვიქნები გულშემატკივრებისთვის, საზოგადოებისთვის, საფეხბურთო სამყაროსთვის და სრულიად საქართველოსთვის. ფეხბურთი არის ჩვენი ცხოვრება და ჩვენ ერთიანი ძალისხმევით შევძლებთ ქართული ფეხბურთისთვის უკეთესი მომავლის შექმნას“, - ლევან კობიაშილმა ეს განცხადება „დინამო არენაზე“ გააკეთა, სადაც „დინამო თბილისისა“ და „საბურთალოს“ მატჩს დაესწრო.

საქართველოს ფეხბურთის ფედერაციის არჩევნებზე, რომელიც 3 ოქტომბერს გაიმართება, კობიაშვილი გამარჯვების ერთ-ერთი რეალური კანდიდატი იქნება. პრეზიდენტობის რეალური შანსი, სადღეისო მდგომარეობით, მას და სფფ-ის მოქმედ გენმდივან რევაზ არველაძეს აქვთ.

მათ გარდა, ფედერაციის თავკაცობის სურვილი მამუკა კვარაცხელიამ და მერაბ ჟორდანიამ გამოთქვეს.