მსოფლიო ჯანდაცვის ორგანიზაციის მონაცემებით, წელიწადში 800 000 ადამიანი იკლავსთავს, ხოლო 16 მილიონს - ამის მცდელობა აქვს.

"ევროპული ნეიროფსიქოლოგიის კოლეჯის" მეცნიერებმა დაადგინეს, რა სახის ქცევები უსწრებს წინ ადამიანის თვითმკვლელობის მცდელობას.

მათ ერთმანეთს შეადარეს იმ პაციენტების ქმედებები, რომელთაც სუიციდის მცდელობა ჰქონდათ, იმ ადამიანებთან, რომლებიც ღრმა დეპრესიაში იმყოფებიან, მაგრამ ასეთი სურვილი არ უჩნდებათ.

მკვლევართა განცხადებით, ალბათობა იმისა, რომ დეპრესიაში მყოფ ადამიანს, რომელიც ფეხით თუ მანქანით გადაადგილებისას ხშირად არღვევს ქუჩაში მოძრაობის წესებს, აქვს მოუწესრიგებელი სექსუალური ურთიერთობები სხვადასხვა ადამიანთან, იღებს დაუფიქრებელ გადაწყვეტილებს და დაუფიქრებლად იქცევა, გაუჩნდეს სიცოცხლის თვითმკვლელობით დასრულების სურვილი 50%-ით მეტია, ვიდრე დეპრესიაში მყოფ, მაგრამ მოწესრიგებულ ადამიანებს.

მეცნიერები ვარაუდობენ, რომ თუ ეს დასკვნა სიმართლეს შეესაბამება, იზრდება შანსი იმისა,რომ დროულად მოხდეს ექიმებისა თუ ახლობელი ადამიანების ჩარევა და თავიდან იქნას აცილებული საშინელი შედეგი, რასაც თვითმკვლელობა ჰქვია.