პარიზში გამართულ საგანგებო შეხვედრაზე ევროპის ქვეყნების შინაგან საქმეთა და ტრანსპორტის სამინისტროების ოფიციალური წარმომადგენლები რკინიგზის სადგურებზე უსაფრთხოების ზომების გაძლიერებაზე შეთანხმდნენ/ნ.

მათი გადაწყვეტილებით, ევროპის ქვეყნების სპეცსამსახურები თანამშრომლობას გააღრმავენ, სასაზღრო მონაკვეთებზე კი მგზავრებსა და მათ ბარგს შეამოწმებენ.

შეხვედრაზე გერმანიის შსს მინისტრმა განაცხადა, რომ იგი ეთანხმება მიღებულ გადაწყვეტილებას, თუმცა მიაჩნია, რომ მილიონობით ტურისტის გაჩხრეკა ფაქტიურად შეუძლებელია.

სამიტი გასულ კვირას ამსტრედამი–პარიზის ჩქაროსნულ მატარებელში მომხდარი თავდასხმის შემდეგ დაიგეგმა. მაშინ მასშტაბური ტერაქტის აღკვეთა მგზავრებმა საკუთარი ძალებით შეძლეს.