NASA-მ მარსზე ადამიანის გაგზავნისათვის მზადების მორიგი ეტაპი დაიწყო. მზადების პროცესი ერთ წელს გასტანს. ასტრონავტები სპეციალურ გუმბათოვან შენობაში იცხოვრებენ, რომელიც დამონტაჟებულია ჰავაის კუნძულებზე მდებარე უდაბურ ვულკანის კრატერთან.

ეს მზადების ყველაზე ხანგრძლივი ეტაპი იქნება. ექსპერტები თვლიან, რომ ადამიანის დაჯდომა მარსზე და იქ დაგეგმილი მისია მინიმუმ 3 წელი მაინც გასტანს, შესაბამისად ასტრონავტები მზად უნდა იყვნენ რთულ პირობებში მუშაობისათვის. გუმბათოვანი ნაგებობა ანალოგიურია მარსის კოსმოსური სადგურისა - იგი 11 მ. დიამეტრისა და 6 მ სიმაღლისაა. აქ არ არის სუფთა ჰაერი, 6 ადამიანისაგან შემდგარი მარსის გუნდი იცხოვრებს ვიწრო ოთახებში, სადაც მხოლოდ საწოლი და პატარა მაგიდაა მოთავსებული. კვების რაციონშია ყველის ფხვნილი და თევზის კონსერვები. ასტრონავტები სადგურის გარეთ სკაფანდრებით იმოძრავებენ. ვულკანის კრატერის ნიადაგი საკმაოდ მიმსგავსებულია მარსის ზედაპირთან. NASA-ს გუნდში შედის სამი ქალბატონი და სამი მამაკაცი: ფრანგი ასტრობიოლოგი, გერმანელი ფიზიკოსი, და ოთხი ამერიკელი - პილოტი, არქიტექტორი, ჟურნალისტი და ნიადაგმცოდნე.

NASA-ს განცხადებით, მთავარი ფაქტორი აქ ადამიანთა შორის ურთიერთობებია, ის სავარაუდო კონფლიქტები, რომელიც შეიძლება წარმოიშვას დიდი ხნის განმავლობაში შემოსაზღვრულ ვიწრო სივრცეში მცხოვრებ ადამიანებს შორის.