რისი ეშინია რონალდოს - ფეხბურთის სუპერვარსკვლავმა საიდუმლო გაამხილა

სპორტი - 23:37, 28 Aug, 2015

2338

ფეხბურთის პორტუგალიელმა სუპერვარსკვლავმა ჟურნალ Líbero-სთან თავისი შიშების შესახებ ისაუბრა. როგორც აღმოჩნდა კრიშტიანო რონალდოს ყველაზე მეტად ეშინია, რომ ახალგაზრდა არ მოკვდეს.

”ჩემი ყველაზე დიდი შიში არის ის, რომ ახალგაზრა არ მოვკვდე, არ მინდა ახალგაზრდობაში სიკვდილი. მინდა სიბერით მოვკვდე , როცა 80 ან 90 წლის ვიქნები”- აღიარა რონალდომ გამოცემასთან.

”რეალ მადრიდის” თავდამსხმელმა მისი მოედნისგარეთა ცხოვრების დეტალებიც გაამხილა:

”ჩვეულებრივი ადამიანი ვარ, ვცდილობ რამდენადაც შესაძლებელია დრო ჩემს ოჯახთან, ჩემს მეგობრებთან, ჩემს შვილთან გავატარო . დილით ყოველთვის ვარჯიშები მაქვს, მას შემდეგ რაც სახლში ვბრუნდები, მინდა დრო სასიამოვნო საქმეებს დავუთმო”

რონალდოს თქმით მისი ყველაზე საყვარელი საქმიანობა თავის შვილთან თამაშია, როგორც ის ამბობს შთაგონების წყარო, სწორედ მისი შვილი და ახლობელი ადამიანები არიან:

”ადამიანები ვისთანაც ერთად ვმუშაობ, ვინც ჩემს გარშემოა, ისინი მე მოტივაციას და შანსს მაძლევენ, რომ თავდაუზოგავად ვიმუშაო და ჩემი საქმე კარგად შევასრულო. მათგან დადებით ენერგიას ვიღებ და ვფიქრობ, ესაა ყველაზე მთავარი”- აღნიშნა რონალდომ.

როგორც ფეხბურთელი აცხადებს, ის მოედანზე ყოველთვის ცდილობს მომენტით ისარგებლოს:

”მოედანზე განსაკუთრებულად არაფერზე არ ვფიქრობ. ვცილობ მომენტით ვისარგებლო. მე მიყვარს ფეხბურთის თამაში და მინდა ამით სიამოვნება მეც მივიღო და გულშემატკივარმაც”

_{ო’ ენ ენი}