დედამ ნარკოტიკებისგან მომაკვდავი შვილის შოკისმომგვრელი ფოტო გაავრცელა

ეს საინტერესოა - 15:10, 28 Aug, 2015

8720

22 წლის სტუდენტის, კილანი ბურკის დედა ტერეზა ბურკი შვილის შოკისმომგვრელ ფოტოს ავრცელებს. მეტადონის ზედმეტი დოზისგან სიკვდილისპირას მყოფი ბიჭის ფოტომ ინტერნეტსივრცე შეძრა.

Metro.co.uk-ის ინფორმაციით, ბიჭი ჰეროინის მოხმარებიდან ერთ წელში გარდაიცვალა, ფოტო კი მისი სიცოცხლის ბოლო თვეებშია გადაღებული.

სურათი, იმ დოკუმნეტური მასალის ნაწილია, რომელსაც დედამ ერთად მოუყარა თავი.

„მას არ შეეძლო ყლაპვა, სმენა, დაკარგა მხედველობა. არ მგონია, რომ რამეს გრძნობდა. ბოსტნეულს ჰგავდა. ეს საშინელება იყო“ - განაცხადა ბიჭის დედამ.

კილანი ჩრდილოეთ ირლანდიაში, ულსტერის უნივერსიტეტის IT ფაკულტეტის მეორე კურსის სტუდენდი იყო.

17 წლის იყო, როდესაც კანაბის მოწევა დაიწყო. 21 წლის ასაკში ინ ნარკოტიკების აქტიური მომხმარებელი გახდა, მათ შორის დიაზეპამის.

მისი სიცოცხლის ბოლო წელი კილანმა ლოგინში, ექთნებისა და ექიმების მეტვალყურების ქვეშ გაატარა.

ტერეზა ბურკის თქმით, მას ეხმარება იმის გაცნობიერება, რომ კილანის სიკვდილი უაზრო არ ყოფილა და რომ მის მაგალითზე სხვა ოჯახების გადარჩენა და მათი დახმარება შეიძლება, რადგან „ნარკოტიკებმა შეიძლება მოკლე დროით კარგად გაგხადოს, ან ხანგრძლივი დროითაც, მაგრამ მათ შეუძლიათ მოგკლან და ოჯახები ტრაგიკული დანაკარგით აავსონ.“