იამაიკელი სპრინტერი და მსოფლიოს 10-გზის ჩემპიონი , უსაინ ბოლტი ჩინელი ოპერატორის „თავდასხმის მსხვერპლი“ გახდა.

ინციდენტი გუშინ, პეკინში რასის დასრულების შემდეგ მოხდა. ერთ-ერთი ჩინელი ოპერატორი ახლო კადრის გადაღებას ცდილობდა, რა დროსაც წონასწორობა დაკარგა და სპორტსმენს ზედ დაეცა. შემთხვევის შედეგად, ბოლტი არ დაშავებულა. მოგვიანებით, იამაიკელმა სპრინტერმა ჟურნალისტებთან იხუმრა, რომ ოპერატორი მას თავს დაესხა და სავარაუდოდ მის მოკვლას ცდილობდა.

ბოლტი მიმდინარე მსოფლიო რეკორსდმენია 100 მეტრზე სპრინტში (9,72 წმ), ასევე მსოფლიოს იუნიორი და იამაიკის რეკორდის მფლობელი 200 მ-ზე სირბილში (19,75 წმ). მისმა სახელმა და მიღწევებმა სპრინტში მას "ელვისებური ბოლტის" მეტსახელი მოუხვეჭა.